މޮރޮކޯ އިން ރާއްޖެއަށް ކަނޑައަޅުއްވާ އޮނަރަރީ ކޮންސުލްގެ މަގާމަށް ހަމަޖެއްސި އަހުމަދު ނާޝިދު (އޭޑީކޭ ނާޝިދު) އަށް މަގާމުގެ ރަސްމީ ލިޔުން ހަވާލު ކުރައްވައިފިއެވެ.
ރައްޔިތުންގެ މަޖިލީހުގެ ކުރީގެ މެމްބަރު، އޭޑީކޭ ގްރޫޕްގެ ވެރިޔާ ނާޝިދުއާ މަގާމްގެ ލިޔުން ހަވާލު ކޮށްދެއްވީ މިއަދު މެންދުރު ފޮރިން މިނިސްޓްރީގައި ބޭއްވި ރަސްމިއްޔާތެއްގައި ފޮރިން މިނިސްޓަރު އަބްދުﷲ ޝާހިދު އެވެ.
ނާޝިދަށް ލިޔުން އެރުވުމަށްފަހު، މިނިސްޓަރ ޝާހިދު ވިދާޅުވީ ނަޝީދުގެ އޮނަރަރީ ކޮންސުލް ކަމުގެ ދަށުން މޮރޮކޯއާ ގުޅުން އިތުރަށް ބަދަހިވެގެންދާ ކަމަށް އުންމީދު ކުރައްވާ ކަމަށެވެ. ހާއްސަކޮށް ވިޔަފާރި އާއި އިންވެސްޓްމަންޓް އަދި ފަތުރުވެރިކަމުގެ ދާއިރާއިން ދެ ގައުމުގެ ދެމެދުގައި އޮތް ގުޅުން އިތުރަށް ވަރުގަދަވެގެންދާނެ ކަމަށް އުންމީދު ކުރައްވާ ކަމަށް ޝާހިދު ވިދާޅުވިއެވެ.
Congratulations to Mr. Ahmed Nashid, newly appointed Honorary Consul of #Morocco in #Maldives. Looking forward to closer relations with Morocco, especially, strengthening trade, investment and tourism between the two countries. @MarocDiplomatie @Marocdiplo_EN @ADKNashid pic.twitter.com/AYxdMkbxuL
— Abdulla Shahid (@abdulla_shahid) September 10, 2020
ނާޝީދުއަކީ ރާއްޖޭގައި ފުޅާ ދާއިރާއެއްގައި ވިޔަފާރިކުރުމުގެ އިތުރުން ސިޔާސީ ތަޖުރިބާ ލިބިވަޑައިގެން ހުންނެވި ފަރާތެކެވެ. ސިއްހީ ދާއިރާއާއި، ފަތުރުވެރިކަން އަދި މީޑިއާގެ އެކި މަސައްކަތްތަކުގައި ނާޝީދު ޝާމިލުވެ ހަރަކާތްތެރިވެ އުޅުއްވައެވެ.
advertisment