ފަތުރުވެތިކަމުގެ ދާއިރާގައި މަސައްކަތްކުރާ މުވައްޒަފުންނަށް ޝަކުވާ ހުށައެޅުމުގެ ފުރުސަތު ހުޅުވާލައިފިއެވެ.
ޓުއަރިޒްމް މިނިސްޓްރީއިން ވަނީ ޝަކުވާތައް ހުށައެޅުމަށް ޚާއްސަ މެއިލްއެއް ތައާރަފް ކޮށްފައެވެ. މިމެއިލް އެޑްރެސް މެދުވެރިކޮށް ފަތުރުވެރިކަމުގެ ދާއިރާގައި މަސައްކަތް ކުރާ މުވައްޒަފަކަށްވެސް ޚިޔާލާއި ޝަކުވާ ހުށައެޅޭނެއެވެ.
މިކަން ތައާރަފް ކުރުމަށް ނިންމީ ޓުއަރިޒްމް މިނިސްޓަރ ޑރ އަބްދުﷲ މައުސޫމް، ޓުއަރިޒްމް އެމްޕްލޯއީޒް އެސޯސިއޭޝަން އޮފް މޯލްޑިވްސް އާއެކު ބޭއްވި ބައްދަލުވުމަށްފަހު ކަމަށް އެމިނިސްޓްރީއިން މައުލޫމާތުދެއެވެ.
Following the meeting between Tourism Minister @Mausoom_Maus and @TEAMmaldives the Ministry has set up a dedicated email address for tourism employees. All tourism sector employees are invited to share their views and concerns (even anonymously) to team@tourism.gov.mv.
— Ministry of Tourism (@MoTmv) September 11, 2020
ޝަކުވާ އާއި ޚިޔާލު ހުށައަޅާއިރު ކާކުކަން ނޭންގޭގޮތަށްވެސް ހުށައެޅޭނެކަމަށް ވަނީ ބުނެފައެވެ.
ކޮވިޑް19 އާއި ގުޅިގެން ފަތުރުވެރިކަމުގެ ސިނާއަތަށް ބޮޑެތި ގޮންޖެހުންތަކެއް ވަނީ ކުރިމަތިވެފައެވެ. އެގޮތުން ގިނަ ބައެއްގެ ވަޒީފާ ގެއްލި، މުސާރަ ލިބުން ހުއްޓިފައިވާއިރު މުވައްޒަފުންގެ ހައްގުތައް ރައްކާތެރިކޮށްދިނުމަށް ގިނަ ބަޔަކު އަންނަނީ ގޮވާލަމުންނެވެ.
advertisment