އޮކްސްފޯޑުން އުފައްދާ ކޮވިޑް ވެކްސިންގެ މަސައްކަތް އަލުން ފަށައިފިއެވެ.
ވެކްސިންގެ މަސައްކަތް މެދުކަނޑާލަން ޖެހުނީ ވެކްސިން ޓެސްޓު ކުރުމުގެ ތެރޭގައި ބައިވެރިޔަކު ބަލިވުމާ ގުޅިގެންނެވެ.
އޮކްސްފޯޑުން ނެރެފައިވާ ބަޔާނެއްގައި ބުނީ ބައެއް ބައިވެރިން ބަލިވާނެ ކަމަށާއި ޓެސްޓު ކުރުމުގެތެރޭގައި މިފަދަ ކަންކަން ދިމާވާނެ ކަމަށެވެ. ބަޔާނުގައި އިތުރަށް ބުނީ ވެކްސިން ގެ މަސައްކަތް މަޑުޖައްސާލާފައި އޮތީ ސަލާމަތީ ސަބަބުތަކަށް ޓަކައި ކަމަށެވެ.
އޮކްސްފޯޑް އިން ވަނީ ވެކްސިންގެ ރައްކާތެރިކަމާ މެދު އިތުރު ފިޔަވަޅުތަކެއް އެޅުމަށްފަހު އަލުން ވެކްސިންގެ މަސައްކަތް ފަށާފައިވާ ކަމަށް ބުނެފައެވެ.
ޑަބްލިއުއެޗްއޯ އިން ވަނީ ދުނިޔޭގެ އެކި ކަންކޮޅުތަކުން 180 އަށްވުރެ ގިނަ ވެކްސިން މިހާރުވެސް ޓެސްޓު ތަކުގެ އެކި މަރުހަލާތައް ކުރިޔަށް އެބަ ގެންދާ ކަމަށް ބުނެފައެވެ.
advertisment