މިއަދުން ފެށިގެން ބޭންކް އޮފް މޯލްޑިވްސް އިން ދޫކޮށްފައިވާ ހުރިހާ ޑެބިޓް އަދި ކްރެޑިޓް ކާޑުގެ ތެރެއިން ކޮންމެ ކާޑަކުން މަހެއްގެ މައްޗަށް ރާއްޖޭން ބޭރުގެ މުއާމަލާތް ކުރެވޭ އަދަދެއް ކަމުގައި 250 ޑޮލަރު ވަނީ ކަނޑައަޅާފަ އެވެ. ބީއެމްއެލްއިން ބުނީ ރާއްޖޭން ބޭރުގައި ދިރިއުޅޭ ދިވެހިންނަށް އެހީތެރިވުމުގެ ގޮތުން ބޭރުގައި ދިރިއުޅޭ ފަރާތްތަކަށް މަހެއްގެ މައްޗަށް 750 ޑޮލަރު ބޭނުން ކުރެވޭނެ ގޮތް ހަމަޖައްސައިފައިވާ ކަމަށެވެ.
މިކަމާ ގުޅިގެން ސައީދު އިއްޔެ ކުރެއްވި ޓްވީޓެއްގައި ވިދާޅުވީ ސަރުކާރުން ބީއެމްއެލްއަށް ޕްރެޝަރު ކުރުން ހުއްޓާލަން ޖެހޭ ކަމަށެވެ. އަދި ބީއެމްއެލްއަށް ސަރުކާރުން ސިޔާސީ ނުފޫޒު ފޯރުވުމަކީ ވަރަށް ބޮޑު ގޯހެއް ކަމަށް ސައީދު ވިދާޅުވިއެވެ.
“ބޭންކު ސިޔާސީ ކުރުމަކީ ހެދޭ ވަރަށް ބޮޑު ގޯހެއް. މިއީ ވިޔަފާރިވެރިން ކުރާ އިތުބާރު ގެއްލި އެތަކެއް އަހަރެއްގެ ތެރޭގައި ހޯދި ކުރިއެރުން ފަހަތަށް ޖެހޭނެ ކަމެއް،” ކުރީގެ އިކޮނޮމިކް މިނިސްޓަރުކަން ވެސް ކުރެއްވި ސައީދު ވިދާޅުވި އެވެ.
Government’s continued pressure on @bankofmaldives must be stopped @MoFmv . Its a serious mistake for this institution to get politicised, weaken corporate confidence and slip back years of developmental efforts @ibusolih @MMA_Maldives pic.twitter.com/QDBdd8gCmz
— Mohamed Saeed (@em_saeed) September 16, 2020
advertisment