ކަރަންޓީންގައި ހުންނަ މީހާއަށް އެމަޖެންސީ ހާލަތެއް މެދުވެެރި ވެއްޖެ ނަމަ ވަކި ހުއްދައެއްގެ ދަށުން ބޭރަށް ނުކުތުމުގެ ހުއްދަ ދޭނެ ކަމަށް ހެލްތް އެމަޖެންސީ އޮަޕަރޭޝަން ސެންޓަރުން ބުނެފި އެވެ.
ތަރުޖަމާނު ޑރ. ފާތިމަތު ނަޒްލާ ރަފީގު ވިދާޅުވީ ދައުލަތުގެ އިސް ފަރާތްތަކަށް ހާއްސަ ހުއްދައެއްގެ ދަށުން ކޮންމެހެން ކުރަންޖެހޭ މަސައްކަތްތައް ކުރުމަށް އޮފީސްތަކަށް ދިއުމުގެ ހުއްދަ ދޫކުރެވިފައިވާނެ ކަމަށެވެ. އަދި ހަމަ އެގޮތަށް އާންމު ފަރާތްތަކަށް އެމަޖެންސީ ހާލަތެއް ދިމާވެއްޖެ ނަމަ ބޭރަށް ނުކުތުމުގެ ހުއްދަ ދޭނެ ކަމަށެވެ.
މިހެން ބުނެފައި މިވަނީ ރާއްޖެއިން ބޭރަށް ވަޑައިގެންނެވުމަށް ފަހު މާލެ ވަޑައިގެން ކަރަންޓީން މުއްދަތު ފުރިހަމަ ނުކުރައްވާ ފޮރިން މިނިސްޓަރު އަބްދުﷲ ޝާހިދު އެކި ރަސްމިއްޔާތުތަކުގައި ބައިވެރިވެވަޑައިގެންނަވާތީ އާންމުން ހިތްހަމަ ނުޖެހުން ފާޅު ކުރަން ފެށުމާއެކުއެވެ
އެޗްއީއޯސީން ބުނީ ފޮރިން މިނިސްޓަރު އާންމު ތަނަށް ނުކުމެވަޑައިގެންނެވީ އެ ސެންޓަރުން ދޫކޮށްފައިވާ ހާއްސަ ހުއްދައެއްގެ ދަށުން ކަމަށެވެ.