ސިޔާސީ ކަންކަމުގައި ރައްދު ދޭއިރު އަންހެނުންނަށް އަމާޒުކޮށް ދެ ބަސް ވިދާޅުވަނީ ކީއްވެތޯ މީދޫ ދާއިރާގެ މެމްބަރު ރޮޒައިނާ އާދަމް ސުވާލު އުފައްދަވައިފިއެވެ.
ރޮޒައިނާ މިހެން ވިދާޅުވީ މިއަދު ރާއްޖެއަށް އިންޑިއާއިން މުދާ އުފުލާ އާގު ބޯޓެއް އައި ނަމަވެސް މާދަމާ އިންޑިއާއިން ދިވެހި ކަނބަލުން ކައިރިއަށް “މަތިމަސްލީ” ފިރިހެނުން ފޮނުވާނެ ކަމަށް ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވުމާ ގުޅިގެންނެވެ.
އެގޮތުން ރޮޒައިނާ ވިދާޅުވީ ދިވެހި އަންހެނުންނަށް ނިސްބަތްކޮށް މިފަދަ އެއްޗެއްހި ވިދާޅުވާކަން މިއީ ވަރަށް ދެރަ ކަމެއް ކަމަށެވެ.
“ކޮންމެ ކަމަކާ ގުޅުވާފައި ވެސް އަންހެނުން ނިކަމެތި ކޮށްލާ ގޮތް ހުސްވެފައި ތިބި ބައެއް ކަމަށް ދޭހަވާ ގޮތަށް ބަސް ބުނުން ހުއްޓާލާ. ސިޔާސީ ރައްދު ދޭއިރު އަންހެނުންނަށް ތި އަމާޒު ކުރައްވަނީ ކޮން ބޭނުމެއްގައިތޯ؟.” ރޮޒައިނާ ވިދާޅުވިއެވެ.
Rangalhu vaahaka eh. Emassala nunimey. Nimeynee PG ah fonuvaa shariyai koh insaaf libuneema. Thivaahaka ah alhugandu @shuja3831 ah furihama ah thaaeedhu.
Ekamu kurin thividhaalhuvi vaahaka kamaku nudhey. Efadha comments kuriyah oitha nukuravvaane kamah ummeedhu kuran.— ???????? ???????????????????????????? ???????????????? ???? (@Roxeyna) September 27, 2020
އިއްތެ އިދިކޮޅު ކޯލިޝަނުން ބޭއްވި ޖަލްސާގައި އިންޑިއާގެ ކޮޗިން ފެރީއަށް ވަރަށް ބޮޑަށް ފާޑުވިދާޅުވަމުންް ޝުޖާއު ވިދާޅުވީ މާދަމާ އިންޑިއާ ފެރީ މެދުވެރިކޮށް ދިވެހި ކަނބަލުން ގާތަށް “މަތިމަސްލީ” މީހުން ފޮނުވާނެ ކަމަށެވެ. އަދި ދުވަސްތަކެއް ފަހުން ފެންނާނީ ކަނބަލުން “ބަލިވެއިންނަވާ” ތަން ކަމަށް އޭނާ ވިދާޅުވިއެވެ.
ޝުޖާއު އެހެން ވިދާާޅުވީ ރާއްޖެއަށް ކޮޗިން ފެރީތައް ފަށާތީ އިންޑިއާ ފިރިހެނުންތަކެއް ދިން އިންޓަވިއުއެއްގައި ދިވެހި އަންހެން ކުދިންނާ ކައިވެނި ކުރަން ބޭނުންވާ ކަމަށް ބުނެ ވާހަކަ ދައްކާފައި އޮތުމުންނެވެ. އަދި އިންޑިއާގައި ވެސް ޖިންސީ ގޯނާ ކުރުން ފަދަ މައްސަލަތައް އިތުރުވެފައިވާ ނިސްބަތަށް ވެސް އިޝާރާތް ކުރައްވައެވެ.