ރާއްޖޭގައި އިންޑިއާ ސިފައިން ތިބުމާ ދެކޮޅަށް ކެމްޕެއިން ހިންގަމުންދަނީ ހަރުކަށި ފިކުރުގެ ޖަމާއަތްތައް އަޑީގައި ތިބެގެން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވުމުން މާވަށު ދާއިރާގެ މެމްބަރު މުހައްމަދު ސައީދު އެމަނިކުފާނަށް ރައްދު ދެއްވައިފިއެވެ.
ރާއްޖޭގައި އިންޑިއާ ސިފައިން ތިބުމާ ދެކޮޅަށް “އިންޑިއާ އައުޓް”ގެ ނަމުގައި ސޯޝަލް މީޑިއާގައި ދަނީ ކެމްޕެއިނެއް ހިންގަމުންނެވެ.
މިކަމާ ގުޅިގެން ރޭ ނަޝީދު ވިދާޅުވީ، ދީނީ ހަރުކަށި ޓެރަރިސްޓް ޖަމާއަތްތަކުން ގައުމުތައް ހިފުމުގެ ކުރިން އަބަދުވެސް މަސައްކަތް ކުރާނީ ބައިނަލްއަގްވާމީ ގޮތުން އެ ގައުމެއް އެކަހެރި ކުރަން ކަމަށެވެ. އިންޑިއާ އައުޓް ކެމްޕެއިނަކީ އޭގެ ހަރަކާތެއް ކަމަށާއި އެކަން ކުރަނީ މަދު ބަޔަކު ކަމަށާއި އަދި ސިޔާސީ ޕާޓީއަކުން އެކަމަށް އެއްބާރުލުން ދޭނެ ކަމަށް ގަބޫލުފުޅު ނުކުރައްވާ ކަމަށް އެ މަނިކުފާނު ވިދާޅުވި އެވެ.
ނަޝީދުގެ މި ވާހަކަތަކަށް ރައްދު ދެއްވައި ސައީދު ކުރެއްވި ޓްވީޓެއްގައި ވިދާޅުވީ ރާއްޖޭގައި ތިބި އިންޑިއާ ސިފައިންގެ އަދަދު ހާމަކުރުމަސް ސަރުކާރުގައި އެދުމަކީ ރައްޔިތުންނަށް ގާނޫނު އަސާސީން ލިބިދޭ ހައްގެއް ކަމަށެވެ.
“މައުލޫމާ ނުގުޅޭ ކަންކަމާއި މިކަން ގުޅުވަނީ، މުސްލިމް ގައުމަކަށް ރާއްޖެވުމާއި، ހަރުކަށި ފިކުރު ކަމަށް ބުނެ ގައުމުތައް ރުއްސަން.” ސައީދު ވިދާޅުވިއެވެ.
Raajjeygai thibi India sifainge adhadhu haama kurumah sarukaarugai edhumakee rayyithunnah QA in libidhey haggeh. Maulooaai nugulhey kankamaai mikan gulhuvanee, Muslim Gaumakah Raajje vumaai, “Harukashi Fikuru” kamah bune Gaumuthah r’ussan. https://t.co/sCzMXdiehq
— Mohamed Saeed (@em_saeed) October 8, 2020
ނަޝީދު ވިދާޅުވީ އައިސިސް ޖަމާއަތާ ދުނިޔޭގެ އެހެނިހެން ޓެރަރިސްޓު ޖަމާއަތްތައް ހަރަކާތްތެރިވާ ގޮތް، ދުނިޔޭގެ ޖާސޫސީ އިދާރާތަކަށް ވަރަށް ރަނގަޅަށް އެނގޭ ކަމަށާއި، އެފަދަ ޖަމާއަތަކުން ގައުމެއް ހިފަން ބޭނުން ނަމަ އެންމެ ފުރަތަމަ ކުރާ ކަމަކީ އެ ގައުމެއް ބައިނަލްއަގުވާމީ އާއިލާއިން އެކަހެރިކުރުން ކަމަށެވެ.