ހުޅުމާލޭ ޖަލުން ޕޮޒްޓިވްވި އެންމެން މިހާރު ރަނގަޅުވެފައިވާކަމައް ކޮމިޝަނަ އޮފް ޕްރިޒަންސް އަހުމަދު މުހައްމަދުފުޅު މިއަދު ވިދާޅުވެއްޖެއެވެ.
އަހުމަދު މުހައްމަދު މިއަދު ވިދާޅުވީ ހުޅުމާލޭ ޖަލުން ކޮވިޑަށް ޕޮޒިޓިވްވި ގައިދީންނާއި ބަންދު މީހުން ބަލިން މިހާރު ރަނގަޅުވެފައިވާ ކަމަށެވެ. އަދި ޖަލުގައި އޮތް ކަރަންޓީނު މުއްދަތު ނިމުމަކަށް އައުމުން ޖަލުވަނީ އާންމު ހާލަތަށް މިއަދުން ފެށިގެން ގެނެސްފައި ކަމަށް އޭނާ ވިދާޅުވިއެވެ.
ހުޅުމާލެ ޖަލުން އެންމެ ފުރަތަމަ ޕޮޒްޓިވްވެފައި ވަނީ އެ ތަނުގައި މަސައްކަތް ކުރާ ކަރެކްޝަނަލް ސާވިސްގެ މުވައްޒަފުންތަކެކެވެ. އޭގެ ފަހުގައި، އެތަނުގައި ތިބި ގައިދީންނާއި ބަންދުކޮށްފައި ތިބި ބައެއް މީހުންގެ ގައިން ބަލި ފެނިފައިވެއެވެ.
މިހާލަތުން އަރައިގަތުމަށް މަސައްކަތްކޮށްދެއްވި އޮފިސަރުންނާއި އެހެނިހެން ފަރާތްތަކަށް ކޮމިޝަނާ އޮފް ޕްރިޒަންސް ވަނީ ޝުކުރު އަދާކޮށްފައެވެ.