ހދ.ކުޅުދުއްފުށި ސިޓީގައި އަލަށް އަޅާ އިންޖީނުގޭގެ ބިންގާ އަޅައިފިއެވެ.
އެ އިންޖީނުގޭގެ ބިންގާ އަޅުއްވާ ދެއްވީ ފެނަކަ ކޯޕަރޭޝަންގެ މެނޭޖިން ޑިރެކްޓަރު އަހުމަދު ސައީދު މުޙައްމަދު އަދި ކުޅުދުއްފުށީގެ ދެ މެމްބަރުން ކަމަށްވާ ޔާސިރު އަބްދުލް ލަތީފް އާއި ޖަމްޝީދު މުހައްމަދެވެ.
މި އިންޖީނުގެ އެޅުމަށް ހަވާލުކޮށްފައިވަނީ އުނި އިންޖިނިއަރިންގް ޕްރައިވެޓް ލިމިޓެޑާއެވެ.
އެގޮތުން 330 ދުވަހުގެ ތެރޭގައި މި މަސައްކަތް ނިންމަން ހަވާލު ކޮށްފައިވާއިރު މި މަސައްކަތުގެ ޖުމްލަ އަގު 15 މިލިއަން ރުފިޔާއަށް އަރައެވެ.
މި އިންޖީނުގެ ވެގެން ދާނީ އަތޮޅުތެރޭގައި ފެނަކައިން ގާއިމުކުރާ އެންމެ ބޮޑު އިންޖީނުގެއަށެވެ.