އޭޑީކޭ ހޮސްޕިޓަލުން ކޮވިޑް-19 ޕީސީއާރް ޓެސްޓު ހަދާދޭ އަގުހެޔޮ ކޮށްފިއެވެ.
އެ ހޮސްޕިޓަލުން ނެރުނު ބަޔާނެއްގައި ބުނެފައި ވަނީ ޕީސީއާރު ހަދަމުން ދިޔަ ލެބޯޓަރީގައި ފުރިހަމަ އޮޓޮމޭޓޭޑް ރޯޗް ލައިޓް ސައިކްލަރ 480 ޕީސީއާރު ސިސްޓަމެއް މިހާރު ގާއިމުކޮށްފައިވާ ކަމަށެވެ.
އެއަގު ދަށްވުމުގެ ފައިދާ އެ ހިދުމަތް ހޯދާ ފަރާތްތަކަށް ހިއްސާކުރަން ބޭނުންވާތީ މިއަދުން ފެށިގެން ޕީސީއާރު ޓެސްޓް ހަދާދެވޭނެ އަގުތައް ހެޔޮކޮށްފައިވާ ކަމަށް އެހޮސްޕިޓަލުން ވަނީ ބުނެފައެވެ.
އެގޮތުން މިހާރު ދިވެހިން އަދި ވޯކްޕާމިޓް ހޯލްޑަސް އަށް 1200 ރުފިޔާއިން ޓެސްޓު ހެދޭނެ ކަމަށް އޭޑީކޭ އިން ވަނީ ބުނެފައެވެ. އަދި ޓޫރިސްޓުންނަށް 80 ޑޮލަރަށް ޕީސީއާރު ޓެސްޓު ހެދޭނެ ކަމަށް ވެސް އޭޑީކޭ އިން މައުލޫމާތު ދެއެވެ.
ކުރިން އެ ހޮސްޕިޓަލުން ދިވެހީންނާއި ވޯކް ޕާމިޓު އޮންނަ ބިދޭސީންގެ ޕީސީއާރު ޓެސްޓު ހަދައިދެނީ 1500 ރުފިޔާ އަށެވެ. އަދި ފަތުރުވެރިންގެ ޓެސްޓު ހަދައިދެނީ 110 ޑޮލަރަށެވެ.
