އެންޓި ކޮރަޕްޝަން ކޮމިޝަން (އޭސީސީ)ގެ މެމްބަރުން މަގާމުން ވަކިކުރަން ހުށަހަޅާނެ ކަމަށް އިނގުރައިދޫ ދާއިރާގެ އެމްޑީޕީގެ މެމްބަރު ހަސަން މުހައްމަދު (ހަސަންޓޭ) ވިދާޅުވެއްޖެއެވެ.
ހަސަންޓޭ މިހެން ވިދާޅުވެފައިމިވަނީ ކޮވިޑް-19 އާއި ގުޅިގެން ވެންޓިލޭޓަރު ގަންނަން ހަވާލުކުރި މައްސަލާގައި އޭސީސީ އިން ހެލްތު މިނިސްޓަރު އަބްދުﷲ އަމީން އާއެކު 11 ފަރާތެއްގެ މައްޗަށް ދައުވާ ކުރަން ފޮނުވި މައްސަލައިގައި އެއްވެސް މީހެއްގެ މައްޗަށް ދައުވާ ނުކުރަން ޕްރޮސެކިއުޓަރ ޖެނެރަލްގެ އޮފީހުން ނިންމުމާ ގުޅިގެންނެވެ.
އެގޮތުން ހަސަންޓޭ ކުރެއްވި ޓްވީޓެއްގައި ވިދާޅުވީ މިއަދު އޮންނަ މިނިވަން މުއައްސަސާތަކުގެ ކޮމިޓީ އަށް އޭސީސީގެ މެމްބަރުން ވަކިކުރުމަށް އެދި ހުށަހަޅާނެ ކަމަށެވެ.
މިއަދު އޮންނަ މިނިވަން މުއައްސަސާތަކުގެ ކޮމިޓީއަށް އޭސީސީ ވަކިކުރަން އެދި ހުށައަޅާނަން.
— Hassantay (@HassantayMDP) October 20, 2020
ހަސަންޓޭގެ އިތުރުން ވެސް އެމްޑީޕީގެ ބައެއް މަޖިލިސް މެމްބަރުން ވަނީ އޭސީސީ އަށް މިހާރު އިތުބާރެއް ނެތް ކަމަށާއި ވަކިކުރަން ހުށަހަޅާނެ ކަމަށް ވިދާޅުވެފައެވެ.
advertisment