މަގާމުގެ ނާޖާއިޒް ބޭނުން ހިފުމާއި ކޮރަޕްޝަންގެ މާނަ ޕީޖީ އޮޅުވާލައިފި: ޖަމީލް

އެކަމާ ގުޅިގެން ޖަމީލު ވިދާޅުވީ ހުރިހާ ހެއްކެއް އެބަހުރި ކަމަށާއި މާލިއްޔަތު ޤާނޫނާ ކަނޑައެޅިގެން ޚިލާފަށްކަން އޮތީ ފެންނަން ކަމަށެވެ. އަދި ޕީޖީގެ އިންކާރަކީ މިވައްކަން ފޮރުވަން އެހީތެރިވެދިނުން ނޫންތޯ ޖަމީލު ވަނީ ސުވާލު އުފައްދަވާފައެވެ.

“އޭޖީ ރިއްފަތުގެ ލަފާވެސް އާދަޔާ ޚިލާފު. މަޤާމުގެ ނާޖާއިޒް ބޭނުން ހިފުމާއި ކޮރަޕްޝަންގެ މާނަ ޕީޖީ އޮޅުވާލައިފި” ޖަމީލު ވިދާޅުވިއެވެ.

ހުރިހާ ހެއްކެއް އެބަހުރި. މާލިއްޔަތު ޤާނޫނާ ކަނޑައެޅިގެން ޚިލާފަށްކަން އޮތީ ފެންނަން. ޕީޖީ @HussainShameem5 ގެ އިންކާރަކީ މިވައްކަން ފޮރުވަން އެހީތެރިވެދިނުން ނޫންތޯ؟ އޭޖީ @ibriffath ގެ ލަފާވެސް އާދަޔާޚިލާފް. މަޤާމުގެ ނާޖާއިޒް ބޭނުން ހިފުމާއި ކޮރަޕްޝަންގެ މާނަ ޕީޖީ އޮޅުވާލައިފި. pic.twitter.com/tvVrkU4fDZ

— Mohamed Jameel Ahmed (@MJameelAhmed) October 21, 2020

ކޮވިޑް-19އާ ގުޅިގެން ހެލްތުން ކުރި ހަރަދުތައް އޮޑިޓްކޮށް އޮޑިޓް އޮފީހުން އާންމު ކުރި ރިޕޯޓްގައިވާ ގޮތުގައި މަކަރާއި ހީލަތުން ކޮރަޕްޝަނަށް މަގުފަހިވާ ގޮތަށް ވަނީ ހަރަދުތަކެއް ކޮށްފަ އެވެ. އެގޮތުން ވަކި ބަޔަކަށް ފައިދާވާ ގޮތަށް މަސައްކަތް ހަވާލު ކުރުން ފަދަ ކަންކަން ފާހަގަކޮށްފައިވެ އެވެ. އޭގެ ތެރެއިން އެންމެ ބޮޑު މައްސަލައަކީ 75 ވެންޓިލޭޓަރު ގެންނަން ދުބާއީގެ އެގްޒެކިއުޓާ ޖެނެރަލް ޓްރޭޑިންއާ ހަވާލުރުމެވެ.

ކޮރަޕްޝަންގެ ތުހުމަތުތަކާ ގުޅުގެން އެމްޑީޕީގެ 24 މެމްބަރަކު ސޮއިކޮށް އަމީން މަގާމުން ވަކިކުރުމަށް އިއްޔެ މަޖިލީހަށް އޭނާގެ އިތުބާރު ނެތް ކަމުގެ މައްސަލަ ހުށަހެޅި އެވެ. ނަމަވެސް އޭނާ ވަނީ ރޭގެ ވަގުތުގައި، އަމިއްލަފުޅަށް އިސްތިއުފާ ދެއްވާފަ އެވެ.