ރ.އުނގޫފާރުގެ ސްކޫލްތައް ބަންދުކޮށް، ބޭރަށް ނިކުންނައިރު މާސްކު އަޅަން ހެލްތު އިމަޖަންސީ އޮޕަރޭޝަން ސެންޓަރު (އެޗްއީއޯސީ) އިން އިލްތިމާސްކޮށްފިއެވެ.
އުނގޫފާރުން ނެގި ރެންޑަމް ސާމްޕަލެއް ކޮވިޑް-19 އަށް ޕޮޒިޓިވްވެ، އެ ރަށް ވަނީ ރޭ މޮނީޓަރިންގެ ހާލަތަށް ގެނެސްފައެވެ.
އެޗްއީއޯސީއިން ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ އެޓޯލް ޕްރިޕެއާޑްނެސް ޓީމުގައި ހިމެނޭ އަބްދުލް މައުރޫފް ވިދާޅުވީ ރަށެއް މޮނީޓަރިންގެ ހާލަތަށް ގެނައުމުން އެ ރަށަކަށް އަރައި ފޭބުމާއި އަދި ސްކޫލްތައް ވެސް ބަންދުވާނެ ކަމަށެވެ.
އޭގެއިތުރުން ކެފޭ ރެސްޓޯރަންޓުތަކުގައި ތިބެގެން ކެއުން ވެސް ހުއްޓިގެންދާނެ ކަމަށާއި ނަމަވެސް ޓޭކްއަވޭ އަދި ޑެލިވަރީގެ ހިދުމަތް ފޯރުކޮށްދެވޭނެ ކަމަށް އޭނާ ވިދާޅުވިއެވެ.
ރާއްޖެއިން ކޮވިޑަށް 11،000 އަށް ވުރެ ގިނަ މީހުން ޕޮޒިޓިވްވެފައިވާއިރު، 37 މީހަކު ވަނީ ނިޔާވެފައެވެ.