ކުޅުދުއްފުށިން ރެންޑަމްކޮށް ނެގި އިތުރު 100 ސާމްޕަލް ކޮވިޑް-19 އަށް ނެގެޓިވްވެއްޖެއެވެ.
އެޗްއީއޯސީ އިން ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ އެޓޯލް ޕްރިޕެއާޑްނެސް ޓީމުގައި ހިމެނޭ އަބްދުލް މައުރޫފް ވިދާޅުވީ ކުޅުދުއްފުށިން ރެންޑަމް ސާމްޕަލް ނެގުމުގެ ދެވަނަ ބުރެއް ކުރިއަށް ގެންގޮސްފައިވާ ކަމަށެވެ.
އަދި މި ސާމްޕަލްތަކުގެ ތެރޭގައި ކުޅުދުއްފުށީގެ 15 ގެޔަކުން 15 ފަރާތަކާއި، ކެފޭ އާއި ރެސްޓޯރެންޓް އަދި ފިހާރަތަކުން 25 ސާމްޕަލް، ބޭންކް އެއާޕޯޓު ފަދަ ތަންތަނުން 9 ސާމްޕަލް އަދި 11 ޓެކްސީ ޑްރައިވަރެއްގެ ސާމްޕަލް ނެގުނު ކަމަށް މައުރޫފު ވިވދާޅުވިއެވެ.
އަދި މި 100 ސާމްޕަލްގެ ނަތީޖާ ވެސް ވަނީ ނެގެޓިވް ވެފައި ކަމަށް މައުރޫފް ވިދާޅުވިއެވެ.
ކުޅުދުއްފުށިން ޕޮޒިޓިވް ކޭސްތަކެއް ފެނުމުން އެ ރަށް މިވަގުތު އޮތީ މޮނީޓަރިންގެ ހާލަތުގައެވެ