މިދިޔަ އޮކްޓޯބަރު މަހު އާންމުދަނީގެ ގޮތުގައި 370.57 މިލިއަން ރުފިޔާ މީރާއަށް ލިބިއްޖެއެވެ.
މީރާއިން އާއްމު ކުރި ބަޔާނެއްގައި ބުނީ މިއީ މިދިޔަ 2019 ވަނަ އަހަރު މީރާއަށް ލިބުނު އާމްދަނީއަށް ވުރެ 57.9% ދަށް އަދަދެކެވެ.
މީރާއިން ބުނިގޮތުގައި އޮކްޓޯބަރު 2019 ގައި ލިބުނު އާމްދަނީ އާ އަޅާބަލާއިރު އޮކްޓޯބަރު 2020 ގައި ލިބިފައިވާ އާމްދަނީ ދަށްވުމުގެ މައިގަނޑު ސަބަބަކީ ކޮވިޑް-19 އާ ގުޅިގެން ފަތުރުވެރިން ރާއްޖެއަށް ޒިޔާރަތްކޮށްފައިވާ މިންވަރު ދަށްވުމެވެ.
މިދިޔަ މަހު މީރާއަށް ބަލައިގަތް އާމްދަނީގެ އެންމެ ބޮޑު ބައެއް ހިއްސާކުރަނީ ޖީ.އެސް.ޓީ އެވެ. އެއީ 63.3% ނުވަތަ 247.42 މިލިއަން ރުފިޔާއެވެ. ދެން އެންމެ ބޮޑު އާމްދަނީއެއް ލިބިފައިވަނީ އިންކަމް ޓެކުހުންނެވެ. އެއީ %13.4 ނުވަތަ 52.39 މިލިއަން ރުފިޔާއެވެ. .
advertisment