މީރާއަށް، ޖީއެސްޓީ ގްރީން ޓެކްސް އަދި ވިތްހޯލްޑިންގް ޓެކްސް ބަޔާން ނާޅާ ފަރާތްތަކާއި، ފައިސާ ނުދައްކާ ފަރާތްތަކުގެ ލިސްޓެއް އާންމުކޮށްފިއެވެ.
މީރާއިން މައުލޫމާތު ދީފައިވާގޮތުން 2021 ވަނަ އަހަރުގެ ޑިސެމްބަރު މަހުގެ 31 ވަނަ ދުވަހުގެ ނިޔަލަށް އެކުލަވާލާފައިވާ ލިސްޓުގައި ހިމެނެނީ ޖުމުލަކޮށް 396 ފަރާތެއްގެ ނަމެވެ.
މީރާއިން މައުލޫމާތު މިހާތަނަށް ޓެކްސް ބަޔާނާއި ފައިސާ ނުދައްކާ ފަރާތްތަކުގެ ލިސްޓުން ބަޔާން ހުށައަޅާ ފައިސާ ދައްކާ ފަރާތްތައް އުނިކުރެވިގެންދާނެއެވެ. އަދި ޓެކްސް ފައިސާ އެއް ފަހަރާ ދެއްކުމަށް އުޒުރުވެރިވާނަމަ އިންސްޓޯލްމެންޓު ޕްލޭނެއްގެ ދަށުން ދެއްކޭނެ ގޮތް ހަމަޖައްސައިދެވޭނެ ކަމަށް މީރާއިން ބުނެފައިވެއެވެ.
މިރާއިން ބުނެފައިވާގޮތުން، ދައުލަތަށް ދައްކަން ޖެހޭ ޓެކްސް ފައިސާ ހޯދުމުގެ ގޮތުން، އެޅުމަށް ކަނޑައެޅިފައިވާ އިތުރު ފިޔަވަޅުތަކެއްގެ ވާހަކަތައް ވާނީ ހިއްސާކުރެވިފައެވެ.
މި ފިޔަވަޅުތަކުގެ ތެރޭގައި ޓެކްސް ފައިސާ ދެއްކުމަށް ނޯޓިސްއެއް ދިނުމަށްފަހު އެ ފަރާތެއްގެ އެކައުންޓުގައިވާ ފައިސާ ހިފެހެއްޓުން ފަދަ ފިޔަވަޅުތައް ހިމެނެއެވެ.
advertisment