ކޮވިޑްްގައި މިއަދު ވެސް އިތުރު މަރެއް!

ކޮވިޑް-19 ޖެހިގެން ރާއްޖެއިން އިތުރު މީހަކު މިއަދު މަރުވެއްޖެއެވެ.

އެޗްޕީއޭއިން ބުނީ ރޭ 11:32 ހާއިރު ހުޅުމާލެ ކޮވިޑު ފެސިލިޓީގައި ފަރުވާ ދެމުން ދިޔަ 52 އަހަރުގެ ދިވެހި ފިރިހެނަކު މަރުވެފައިވާ ކަމަށެވެ.

މިއީ ރާއްޖެއިން ކޮވިޑްގައި މަރުވި 44 ވަނަ މީހާއެވެ.

އިއްޔެ އިރުއޮއްސި 6:00 އާ ހަމަ އަށް ރާއްޖޭން ވަނީ ކޮވިޑްގެ 12,204 ކޭސް ފެނިފަ އެވެ. މީގެ ތެރެއިން 11,289 މީހަކު މިހާތަނަށް ވަނީ ރަނގަޅުވެފަ އެވެ.

ކޮވިޑު-19 ގައި މި މަހު މިހާތަނަށް ވަނީ 6 މީހަކު މަރުވެފައެވެ.