އއ. އުކުޅަހުގައި ޗުއްޓީ ހޭދަކުރަމުންދިޔަ އިތުރު ފަތުރުވެރިއަކު ކޮވިޑް19އަށް ޕޮޒިޓިވް ވެއްޖެއެވެ.
ކޮވިޑަށް ޕޮޒިޓިވްވީ އެރަށު “ނަލަވެލި ވިލާ” ގެސްޓްހައުސްގައި ޗުއްޓީ ހޭދަކުރަމުންދިޔަ ފަތުރުވެރިއެކެވެ. ފަތުރުވެރިޔާ އެކަހެރިކުުރުމުގެ މަސައްކަތް އުކުޅަހު ކައުންސިލާއި ރަށު ކޯވިޑް ޓާސްކްފޯސް ގުޅިގެންދަނީ ކުރަމުންނެވެ.
މިއީ ގެސްޓުހައުސްތައް ހުޅުވާލިފަހުން އުކުޅަހުން ކޮވިޑަށް ޕޮޒިޓިވްވި ތިން ވަނަ ފަތުރުވެރިއާއެވެ. އެރަށުން ފުރަތަމަ ފަތުވެރިއަކު ބައްޔަށް ޕޮޒިޓިވްވީ މިދިޔަ ނޮވެމްބަރުމަހުގެ 22 ވަނަ ދުވަހެވެ. އަދި ދެ ވަނަ ފަތުރުވެރިއަކު ނޮވެމްބަރު 27 ވަނަ ދުވަހު ވަނީ ބައްޔަށް ޕޮޒިޓިވްވެފައެވެ. މި އެންމެންވެސް ތިބީ އެކަހެރިކޮށްފައެވެ.
މިދަނޑިވަޅުގައި އެޗްޕީއޭގެ ގައިޑްލައިނާއި އެއްގޮތަށް އަމަލުތައް ބަހައްޓައި، ދޭ އިރުޝާދުތަކަށް އަމަލު ކުރުމަށް ރަށު ޞިއްޚީ މަރުކަޒުވް ވަނީ އިލްތިމާސް ކޮށްފައެވެ.
advertisment