ކަނޑު ރޯއްޖަށްވާ ބަރޯސާ އިތުރުކުރުމުގެ މުހިންމުކަން މި އަހަރު ސާބިތުވެއްޖެ ކަމަށް ގުރައިދޫ ދާއިރާގެ މެމްބަރު އަދި ޕީޕީއެމްގެ ނައިބް ރައީސް މުހައްމަދު ޣައްސާން މައުމޫން ވިދާޅުވެއްޖެއެވެ.
ޣައްސާން މިހެން ވިދާޅުވީ މިއަދު ފާހަގަކުރަމުން މިދާ މަސްވެރިންގެ ދުވަހުގެ މުނާސަބަތުގައި ކުރެއްވި ޓްވީޓެއްގައެވެ.
އެގޮތުން ޣައްސާން ވިދާޅުވީ މަސްވެރިކަމަކީ ގައުމުގެ ލޭނާރު ކަމަށާއި ދިވެހި އިގްތިސާދުގެ ފުރަތަމަ ތަނބު ކަމަށެވެ.
“ކަނޑު ރޯއްޖަށްވާ ބަރޯސާ އިތުރު ކުރުމުގެ މުހިންމުކަން މި އަހަރު ސާބުތުވެއްޖެ. މަސްވެރިންނަށްވީ ވައުދުތައް ފުއްދަން ސަރުކާރަށް އިލްތިމާސްކުރަމުން ދުވަހުގެ ތަހުނިޔާ ފަހުރުވެރި މަސްވެރިންނަށް ހިތުގެ އަޑިން ދަންނަވަން.” ޣައްސާން ވިދާޅުވިއެވެ.
Masverikamakee gaumuge leynaaru. Dhivehi iqthisaadhuge furathama thambu. Kandu roajjah vaa baroasa ithurukurumuge muhimmukan mi aharu saabithu vejje. Masverinnah vee vaudhuthah fuhdhan sarukaarah ilthimaaskuramun dhuvahuge thahuniyaa fakhuruveri masverinnah hithugeadin dhannavan! pic.twitter.com/TL5OQo04io
— Mohamed Ghassan Maumoon (@mgmaumoon) December 9, 2020
ކޮވިޑްގެ ބަލިމަޑުކަން ކުރިމަތިވި ފަހުން މަސްވެރިން، ހާއްސަކޮށް ބޮޑު ކަންނެލި މަސްވެރިން އަންނަނީ ބާޒާރުގައި އަގުތައް މަތިވަމުންދާ ވަރަށް މަހުގެ އަގު މަތި ނުވާތީ ކަންބޮޑުވުން ފާޅުކުރަމުންނެވެ. އަދި މަސް ގަންނަ ކުންފުނިތަކުން މަހުގެ އަގު ބޮޑުކޮށްދޭން ޖެހޭ ކަމަށް މަސްވެރިން އަންނަނީ ބުނަމުންނެވެ.
advertisment