އިޤްތިޞާދަށް ވާނުވާ ނޭނގޭ ބަޔަކަށް މަސްވެރިންގެ މައްސަލަތައް ހައްލުނުކުރެވޭނެ ކަމަށް ކުރީގެ ނައިބް ރައީސް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
ޖަމީލް މިހެން ވިދާޅުވީ މަސްވެރިންތަކެއް ފެލިވަރުގައި މުޒާހަރާ ކުރަމުން ދިއުމާ ގުޅިގެންނެވެ.
އެގޮތުން ޖަމީލް ކުރެއްވި ޓްވީޓެއްގައި ވިދާޅުވީ މަސްވެެރިން ނިކަމެތިވީ ޕީޕީއެމްގެ ސިޔާސީ ބާރު ގެއްލުމުން ކަމަށާއި އިޤްތިޞާދަށް ވާނުވާ ނޭނގޭ ބަޔަކަށް މަސްވެރިންގެ މައްސަލަތައް ހައްލުނުކުރެވޭނެ ކަމަށެވެ.
“މަސްވެރިން ހާލުގައި ޖެހުމަކީ ޤައުމަށް ލިބޭ އެންމެ ބޮޑު ގެއްލުން. ހުރިހާ ބާރެއް ލިބުމުން ހަމަ އަގު ނުދިން. ހައްލަކީ ވޯޓުން ސަރުކާރު ބަލިކުރުން.” ޖަމީލް ވިދާޅުވިއެވެ.
މަސްވެެރިން ނިކަމެތިވީ ޕީޕީއެމްގެ ސިޔާސީ ބާރު ގެއްލުމުން. އިޤްތިޞާދަށް ވާނުވާ ނޭނގޭ ބަޔަކަށް މަސްވެރިންގެ މައްސަލަތައް ހައްލުނުކުރެވޭނެ. މަސްވެރިން ހާލުގައި ޖެހުމަކީ ޤައުމަށް ލިބޭ އެންމެ ބޮޑު ގެއްލުން. ހުރިހާ ބާރެއް ލިބުމުން ހަމަ އަގު ނުދިން. ހައްލަކީ ވޯޓުން ސަރުކާރު ބަލިކުރުން pic.twitter.com/jr2yKOSgZr
— Mohamed Jameel Ahmed (@MJameelAhmed) December 22, 2020
މިއަދު ހެނދުނު ފެށި މި މުޒާހަރާއަށް މަސްވެރިން ނުކުތީ ސަރުކާރަށް ވަރަށް ވަގުތު ދީގެންވެސް މަސްވެރިންގެ ކަންބޮޑުވުންތައް ހައްލުކޮށްދޭނެ ކަމުގެ އަލި މަގެއް ނުފެނުމުން ކަމަށް ބުނެފައެވެ. މި މުޒާހަރާގެ ބައިވެރިން ވަނީ މަސް ނުކިރި ލަސްވާތީ އެކަމުގެ ކަންބޮޑުވުން ތަކުރާރުކޮށްފައެވެ.
advertisment