މަޖިލީހުން އަންދާޒާ ކުރިވަރަށް ރާއްޖެއަށް ފަތުރުވެރިން ޒިޔާރަތްކުރި: ނަޝީދު

މަޖިލީހުން އަންދާޒާ ކުރިވަރަށް މިދިޔަ އަހަރު ރާއްޖެއަށް ފަތުރުވެރިން ޒިޔާރަތްކުރި ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ކޮވިޑް-19އާ ގުޅިގެން ރައްޔިތުންގެ މަޖިލީސް އިން އެކުލަވާލި ރިޕޯޓްގައި 2020 ވަނަ އަހަރު ރާއްޖެއަށް ފަތުރުވެރިން ޒިޔާރަތް ކުރާނެ މިންވަރު ކަަމަށް ލަފާ ކޮށްފައި ވަނީ 450،000 އާއި 641،000 އާއި ދެމެދުގެ އަދަދެއް ކަމަށެވެ.

ޓޫރިޒަމް މިނިސްޓްރީން އާންމުކުރި ހިސާބުތަކުން ދައްކާ ގޮތުގައި މިދިޔަ އަހަރު އެކަނިވެސް ރާއްޖެއަށް 555،215 ފަތުރުވެރިން ޒިޔާރަތްކޮށްފައިވެ އެވެ.

އަދި ބޯޑަރު ހުޅުުވާލިފަހުން ރާއްޖެއަށް ޒިޔާރަތްކޮށްފައިވަނީ 172366 ފަތުރުވެރިންނެވެ.