މާލެ ސަރަހައްދުގައި ޕާޓީތަކާއި ހަފްލާތައް ބޭއްވުން މަނާކޮށްފި އެވެ.
އެޗްޕީއޭ އިން ބުނީ މިއަދުން ފެށިގެން މާލެ ސަރަހައްދުގައި ޕާޓީތަކާއި، ހަފްލާތަކާއި، ރަސްމިއްޔާތުތައް ބޭއްވުން ހުއްޓާލުމަށް އަންގާ ކަމަށެވެ.
ކޮވިޑް ފެތުރެން ފެށުމާއެކު ބަލި ކޮންޓްރޯލްކުރުމަށް މީގެ ކުރިން ވެސް މާލެ ސަރަހައްދުގައި ޕާޓީތަކާއި ހަފުލާ އަދި ރަސްމިއްޔާތުތައް ބޭއްވުން ވަނީ މަނާކޮށްފައެވެ. އެގޮތުން އެ ހަރަކާތްތައް ބޭއްވުމުގެ ހުއްދަ ދީފައިވަނީ މިދިޔަ މަހުގެ 17 ވަނަ ދުވަހުން ފެށިގެންނެވެ.
ރާއްޖެއިން ކޮވިޑަށް ޕޮޒިޓިވްވާ މީހުންގެ އަދަދު އަނެއްކާވެސް އިތުރުވާން ފަށާފައެވެ. އެގޮތުން އިއްޔެ ވެސް 145 މީހުން ޕޮޒިޓިވް ވިއިރު އޭގެތެރެއިން 93 މީހުން ނިސްބަތްވަނީ މާލެ ސަރަހައްދަށެވެ.