ކޮވިޑް-19 ޖެހިގެން އުމުރުން 88 އަހަރުގެ ދިވެއްސަކު ނިޔާވެއްޖެއެވެ.
އެޗްޕީއޭ އިން ބުނީ މިރޭ 7:33 ހާއިރު ނިޔާވެފައިވާ އެމީހާ އަކީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ މީހެއް ކަމަށެވެ.
މިއީ ރާއްޖެއިން ކޮވިޑް ޖެހިގެން ނިޔާވި 52 ވަނަ ފަރާތެވެ.
ރާއްޖެއިން މިހާތަނަށް 15،000 އަށް ވުރެ ގިނަ މީހުން ކޮވިޑަށް ޕޮޒިޓިވް ވެފައިވާއިރު، އޭގެތެރެއިން ބަލިން ރަނގަޅު ނުވެ ތިބީ 1582 މީހުން ކަމަށް އެޗްޕީއޭ އިން ބުނެއެވެ.
އޭގެތެރެއިން 150 އަށް ވުރެ ގިނަ މީހުންނަށް އަންނަނީ ހޮސްޕިޓަލުގައި ފަރުވާ ދެމުންނެވެ.
