މިއަދު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު 200 އިން މައްޗަށް އަރައިފިއެވެ.
އެޗްޕީއޭ އިން ބުނީ މިއަދު ޕޮޒިޓިވްވި 215 މީހުންގެ ތެރެއިން 159 ކޭސް ފެނިފައިވަނީ މާލެ ސަރަހައްދުން ކަމަށެވެ. މިއީ އެއް ދުވަސްތެރޭ ރާއްޖެއިން އެންމެ ގިނަ އަދަދަކަށް މީހުން ޕޮޒިޓިވްވި ދުވަހެވެ.
މިއަދު ޕޮޒިޓިވްވި މީހުންނާއެކު ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 16،056 އަށް އަރާފައެވެ. ބައްޔަށް ޕޮޒިޓިވްވި މީހުންގެ ތެރެއިން 14،190 މީހުން ބަލިން ރަނގަޅުވެފައިވާއިރު، މިވަގުތު ބަލިން ރަނގަޅު ނުވެ ފަރުވާ ދެމުން އަންނަނީ 1807 މީހުންނަށެވެ. އޭގެތެރެއިން 184 މީހަކަށް އަންނަނީ ހޮސްޕިޓަލުގައި ފަރުވާ ދެމުންނެވެ. މި ބަލީގައި 52 މީހަކު ވަނީ ނިޔާވެފައެވެ.
advertisment