ރާއްޖެއިން ކޮވިޑް-19 ވެކްސިން ޖެހި އެއްވެސް މީހަކަށް ސީރިއަސް މައްސަލައެއް ދިމާވެފައި ނުވާ ކަމަށް ހެލްތް އިމާޖަންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފި އެވެ.
ރާއްޖެއިން މިހާތަނަށް 9،000 ވުރެ ގިނަ މީހުންނަށް ކޮވިޑް ވެކްސިން ޖަހާފައިވެއެވެ.
އެޗްއީއޯސީގެ ތަރުޖަމާން ޑރ. ފާތިމަތު ނަޒްލާ ރަފީގު ވިދާޅުވީ ރާއްޖެއިން ވެކްސިން ޖެހި މީހުންގެ ތެރެއިން ބައެއް މީހުންނަށް ކުދިކުދި ކަންކަން ދިމާވެފައިވާ ކަމަށެވެ.
އަދި އިއްޔެ ވެކްސިން ޖެހި މީހުންގެ ތެރެއިން ދެ މީހަކަށް ކަރުތެރެއަށް އުނދަގޫވުމާއި ހިތް އަވަސް ވުމުގެ މައްސަލަތަކެއް ދިމާވެފައިވާ ކަމަށެވެ. ނަމަވެސް ހޮސްޕިޓަލްގައި އެޑްމިޓްކޮށްގެން ފަރުވާދޭން ޖެހޭ ފަދަ ހާލަތެއް ދިމާވެފައިނުވާ ކަމަށެވެ.
ރާއްޖެއިން މިހާތަނަށް 9،000 ވުރެ ގިނަ މީހުންނަށް ކޮވިޑް ވެކްސިން ޖަހާފައިވެއެވެ.
