މިއުޒިކްއަކީ ގިނަ ދިވެހިންގެ އާންމު ދިރިއުޅުމާ ގުޅިފައިވާ ކަމެއް ކަމަށް ކުރީގެ ރައީސް އަދި މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު ކުރެއްވި ޓްވީޓެއްގައި ވިދާޅުވެފައިވަނީ، މިއުޒިކްއަކީ ގިނަ ދިވެހިންގެ އާންމު ދިރިއުޅުމާއި ގުޅިފައިވާ ކަމެއް ކަމަށާއި، ބައެއްގެ އާންމު ދިރިއުޅުން ހަރާމް ކަމަށް ގޮވުމަކީ އެ ބައެއްގެ މުޖުތަމައު ރޫޅާލުމަށް ހިންގާ މަސައްކަތެއްކަމަށެވެ.
އަދި އެކަމަކީ ދިވެހިން ނިކަމެތި ކުރަން ހިންގާ އަމަލެއް ކަމަށްވެސް ވިދާޅުވެފައިވެއެވެ.
Music akee gina Dhivehinge aanmu dhiriulhuma gulhifaiva kameh. Baehge aanmu dhiriulhun haraam kamah govumakee e baehge mujthamau roolhaalumah hingey masakkatheh. Dhivehin nikamethi kurumah hingaa amaleh
— Mohamed Nasheed (@MohamedNasheed) February 10, 2021
ރައީސް ނަޝީދު މިފަދައިން ވިދާޅުވެފައިމިވަނީ، “މިއުޒިކް ކުޅެ އަޑު އަހައި މަޖާ ކުރާނެ ތަނެއް” ހަދަން ގޮވާލާ ގަރާރަކަށް ރައްޔިތުންގެ މަޖިލީހުގައި ހޯމަ ދުވަހު ބަހުސްކޮށް ބައެއް މެންބަރު ދެއްކެވި ވާހަތަކާ ގުޅިގެން ރާއްޖޭގެ އިލްމުވެރިންގެ ތެރެއިން ގިނަ ބޭފުޅުން ކަންބޮޑުވުން ފާޅުކޮށްފައިވަނިކޮށެވެ.
މި ގޮތުން މިއުޒިކަކީ ހުއްދަ ކަމެއް ނޫން ކަމުގައި މިފަދަ ބައެއް އިލްމުވެރިން ވިދާޅުވެއެވެ.