ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މިއަހަރަށް މަޖިލިސް ހުޅުމަށް ބޭއްވި ޖަލްސާގައި އިއްވެވި ރިޔާސީ ބަޔާނަށް އަންނަ ހަފްތާގައި މަޖިލީހުގެ މައިނޯރިޓީ ޕާޓީން ރައްދު ދެއްވުމަށް ތައްޔާރު ވެއްޖެއެވެ.
ޕީއެންސީގެ ޕާލިމަންޓްރީ ގްރޫޕްގެ ލީޑަރު އަދި މަޑުއްވަރީ ދާއިރާގެ މެމްބަރު އާދަމް ޝަރީފް ވިދާޅުވީ ރިޔާސީ ބަޔާނަށް އަންނަ ހަފްތާގެ ޖަލްސާގައި ޕީޕީއެމްގެ ޕީޖީ ލީޑަރު އަހުމަދު ސަލީމް ޖަވާބު ދެއްވާނެކަމަށާއި، ރިޔާސީ ބަޔާނަށް ދެއްވާޖަވާބުން ސަރުކާރުން ސާފުކޮށްދޭންޖެހޭ ކަންކަން ސާފު ކޮށްދެއްވުމަށް ތައްޔާރައް ތިއްބެވުމަށް އެދޭ ކަމަށެވެ.
މި އަހަރަށް ރައްޔިތުންގެ މަޖިލިސް ހުޅުވަން ބޭއްވި ޖަލްސާގައި ބައިވެރި ނުވެވުނު ނަމަވެސް ރައީސް އިބްރާހިމް ސޯލިހް އިއްްވެވި ރިޔާސީ ބަޔާން ދިރާާސާ ކުރުމަށް ފަހު އެއަށް ރައްދު ދޭނެ ކަމަށް އިދިކޮޅު ކޯޅިޝަނުން މީގެ ކުރިން ވަނީ ބުނެފައެވެ.
ރައީސް ސޯލިހު ރިޔާސީ ބަޔާން އިއްވަން ފެއްޓެވުމާއެކު އިދިކޮޅު ޕީޕީއެމް ޕީއެންސީ ކޯލިޝަނުންވެސް ވަނީ މަޖިލިސް އިދާރާ ސަރަހައްދުގައި އިހުތިޖާޖު ކޮށްފައެވެ.
