ކުރިއަށް އޮތް ލޯކަލް ކައުންސިލް އިންތިހާބުގައި އެމްޑީޕީ އަށް ވޯޓުދޭން ދިވެހިން ތިބީ ކެތްމަދުވެފައި ކަމަށް އެ ޕާޓީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވީ ރޭ އެމްޑީޕީން އޮންލައިންކޮށް ރަށްތަކުގެ ކެންޑިޑޭޓުންނާއި ބައްދަލުކުރުމަށް ބޭއްވި ”ރަށްވެހި ފަތިސް“ ކެމްޕެއިން އިވެންޓުގައި ވާހަކަދައްކަވަމުންނެވެ.
”މި ދިވެހިރާއްޖޭގެ ރައްޔިތުން ތިބީ ތިލަފަތާ އެކުގައި. އެމްޑީޕީ އަށް ވޯޓު ދިނުމަށް ކެތްމަދުވެފައި“ ނަޝީދު ވިދާޅުވިއެވެ.
ކައުންސިލް އިންތިހާބުގައި އެމްޑީޕީގެ ފަރާތުން 841 ކެންޑިޑޭޓުން ވާދަކުރާއިރު، އޭގެތެރެއިން 21 ގޮނޑި މިހާރު ވެސް އެމްޑީޕީ އަށް ވަނީ ކަށަވަރުވެފައެވެ.
