ނައިފަރުން ޕޮޒިޓިވްވި މީހުންގެ އަދަދު 191 އަށް

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ނައިފަރުން އިއްޔެ އިތުރު 12 މީހަކު ކޮވިޑަށް ޕޮޒިޓިވްވެފައިވާ ކަމަަށެވެ. މިއާއެކު ނައިފަރުން މިހާތަނަށް 191 މީހަކު ކޮވިޑަށް ޕޮޒިޓިވްވެފައިވެއެވެ.

ނައިފަރުން ޕޮޒިޓިވްވި މީހުންގެ ތެރޭގައި 173 ދިވެހިންނާއި 18 ބިދޭސީން ހިމެނެއެވެ. އޭގެ ތެރޭގައި ކަރަންޓީން ފުރިހަމަ ކުރުމަށްފަހު ސާމްޕަލް ނެގި ތިން މީހުންވެސް ހިމެނެއެވެ.

ނައިފަރު މޮނީޓަރިންގެ ހާލަތަށް ގެނެސްފައިވަނީ މިދިޔަ މަހުގެ ތެރޭގައި ރ. އުނގޫފާރަށް ދިޔަ ޅ. އަތޮޅު ހޮސްޕިޓަލުގެ މުވައްޒަފެއް ކޮވިޑަށް ޕޮޒިޓިވްވުމާ ގުޅިގެންނެވެ. ނައިފަރު މޮނީޓަރިންގެ ހާލަތަށް ގެނެސްފައިވަނީ މިދިޔަ މަހުގެ 23 ވަނަ ދުވަހުއެވެ.