ބްރެޒިލްގައި ކޮވިޑް-19 ޖެހިގެން އެއް ދުވަސް ތެރޭ 4،000އަށް ވުރެ ގިނަ މީހުން މަރުވެއްޖެ އެވެ.
ބްރެޒިލްގެ ހެލްތު މިނިސްޓްރީން ރިޕޯޓު ކުރި ގޮތުގައި އެގައުމުން ކޮވިޑް ޖެހިގެން 24 ގަޑި އިރު ތެރޭ 4،195 މީހަކު ވަނީ މަރުވެފަ އެވެ.
އެއީ އެގައުމުގައި ބަލި ފެތުރެން ފެށި ފަހުން އެއް ދުވަސް ތެރޭ ކޮވިޑުގައި އެންމެ ގިނަ މީހުން މަރުވި ދުވަހެވެ.
ބްރެޒިލްއިން ކޮވިޑުގައި މަރުވި މީހުންގެ އަދަދު މިހާރު ވަނީ 337،000އަށް އަރާފަ އެވެ.
އަދި އެއީ އެމެރިކާއަށް ފަހު އެ ބަލި ޖެހިގެން ދުނިޔެއިން އެންމެ ގިނަ އަދަދެއްގެ މީހުން މަރުވެފައިވާ ގައުމެވެ.
