ބަޔަކު އައިއީޑީއެއް ހަދަމުންދާކަން ރައްޔިތުންނަށް ހިލަން ނުވީބާއޭ ހިތަށް އަރާ: ޒަކަރިއްޔާ

ޒަކަރިއްޔާ ވިދާޅުވީ، ރައީސް ނަޝީދަށް އަމާޒުކޮށް މިފަދަ ހަމަލާއެއް ދޭން އުޅޭކަމުގެ އެއްވެސް މައުލޫމާތެއް ލިބިފައިނުވާ ކަމަށެވެ. އެހެން ނަމަވެސް، ބަޔަކު މިފަދަ ނުރައްކާތެރި ހަމަލާއެއް ދޭން އުޅޭކަން ކިރިޔާވެސް ފާހަގަ ކުރެވުނު ނަމަ އެކަން ހުއްޓުވީސްކަމަށް ޒަކަރިއްޔާ ވިދާޅިވުވިއެވެ.

ޒަކަރިއްޔާ ވިދާޅުވީ، މިފަދަ ކަމެއް ރާވައި، އައިއީޑީއެއް ހަދައި، އެ ތަނެއްގައި ބައިންދާ ގޮއްވާލިއިރު ވެސް އާއްމުންގެ މީހަކަށް ހިލަމެއް ވެސް ނުވީތޯ ހިތަަށް އަރާ ކަމަށެވެ.

hamalaa eh dheyn ulhey kamuge hilameh rayyithunna nuvee baaey, hitha araa: Zakariyya Mansoor pic.twitter.com/QfiB19gcNW

— Maathu Hussain (@Meythss_) May 7, 2021

ޒަކަރިއްޔާ ވިދާޅުވީ، ރާއްޖޭގެ އެއްވެސް ހިސާބެއްގައި ހަމަލާއެއް ދޭން އުޅޭކަމުގެ މައުލޫމާތެއް ލިބިއްޖެނަމަ، ދިފާއީ ބާރުން އެކަން ހުއްޓުމަށް ކުރަންޖެހޭ ހުރިހާ މަސައްކަތެއް ކުރާނެ ކަމަށެވެ. އަދި އާއްމުންގެ މީހަކު ނުރައްކަލެއްގެ ތެރެއަށް ވައްޓާ ނުލާނެކަމަށް އޭނާ ވިދާޅުވިއެވެ.

ޒަކަރިއްޔާގެ މި ވާހަކަތަކާއި ގުޅިގެން، އާއްމުންގެ ފާޑުކިއުން އޭނާއަށް ވަނީ އަމާޒުވެފައެވެ.

ރައީސް ނަޝީދަށް ދިން ޓަރަރިޒަމްގެ ހަމަލާގެ މައްސަލަައިގައި ފުލުހުން ކުރިޔަށް ގެންދިޔަ ނޫސްވެރިންގެ ބައްދަލުވުމުގައި ކޮމިޝަނާރ އޮފް ޕޮލިސް މުހައްމަދު ހަމީދު ވިދާޅުވީ މި ހަމަލާއާއި ގުޅޭ އެއްވެސް މައުލޫމާތެއް ފުލުހުންގެ އިންޓަލިޖެންސްއަށް ލިބިފައިނުވާ ކަމަށެވެ. އަދި އެކަން އިންޓަލިޖެންސްއަށް ނޭނގުނީ ކީއްވެގެންތޯ ބެލުމުގެ މަސައްކަތް ކުރާނެކަމަށް ހަމީދު ވިދާޅުވި އެވެ.