އައްޑޫ ފްލައިން ސްކޫލަށް ހައްލެއް ނުލިބުނު، ދަރިވަރުން ގޮތް ހުސްވެފައި!

ފްލައިން ސްކޫލްގެ ދަރިވަރުން ބުނާ ގޮތުގައި އަތުން ގިނަ އަދަދަކަށް ފައިސާ ހޭދަވީއިރު ވެސް ކޯސް ނިންމަން ބުނި ތާރީހަށް ނިންމިފައި ނުވުމުގެ އިތުރުން އެކަމުގައި އެ ދަރިވަރުންގެ ހައްގުތަކަށް ވަކާލާތު ކުރާނެ ބަޔަކު ނެތުމުން ކަންބޮޑުވާ ކަމަށެވެ. އަދި ސްކޫލްގައި ހުރި ކަންބޮޑުވުންތައް ފާހަގަކޮށް ކަމާބެހޭ ފަރާތްތަކަށް ފޮނުވި ޕެޓިޝަނުގައި ސޮއިކުރި 86 ދަރިވަރުންގެ ތެރެއިން ހަތަރު ދަރިވަރެއް ވަނީ ކަމާބެހޭ މުވައްސަސާތަކަށް ކުރި މެއިލް އެއްގެ ސަބަބުން ކޯހުންވެސް ކަނޑާލާފައިވެ އެވެ. ނަމަވެސް އެ ދަރިވަރުން ފަހުންވަނީ ކޯހަށް ވައްދާފައެވެ.

މި މަހުގެ 11 ވަނަ ދުވަހުން ފެށިގެން ފްލައިން ސްކޫލް އެއްކޮށް ހުއްޓުމަކަށް އައިސްފައިވާއިރު، މިދިޔަ މަހުގެ އެއްވަނަ ދުވަހުން ފެށިގެން ސްކޫލްގައި ދުއްވާނެ އެއްވެސް ބޯޓެއް ނެތެވެ.

ދަރިވަރުން މި އެދެނީ މި ނޫން ހައްލަކަށް! މި ސްކޫލްއަކީ އެމީހުންގެ 14 މުވައްޒަފުން އިސްތިއުފާ ދިނުމުން ވެސް އެކަން ހައްލުނުކުރެވުނު ބައެއް. އެމީހުންގެ ބޭނުމަކީ ދަރިވަރުންނޭ ކިޔައި ކޮންޓްރެކްޓް އާ ކުރުން. އެކަމު ދަރިވަރުންނަށް މި ކަމުން އެއްވެސް ޙައްލެއް ނުލިބޭ!#AAAnoongotheh https://t.co/B5804v1oYV

— Ahad ???????? (@Ahad________) May 21, 2021

އަދި މިދިޔަ ހަފްތާގެ ތެރޭގައި ސްކޫލްގެ އިންޖިނިއަރުންގެ ޓީމު މުސާރައިގެ މައްސަލައިގައި ސްކޫލުން އިސްތިއުފާ ދިނުމަށްފަހު އެނބުރި ގައުމަށް ފުރާފައިވާއިރު ދެން ބޯޓެއް ނިކުންނާނެ ދުވަހެއް ވެސް އަދި އިންޖިނިއަރުންތަކެއް އެނބުރި ސްކޫލާއި ގުޅޭނެ ދުވަހެއް ވެސް ދަރިވަރުންނަށް އަދި މިހާތަނަށް އަންގާފައެއް ނުވެއެވެ.

ފްލައިން ސްކޫލަށް ބޭނުންވާ ސާމާނު ރާއްޖެއިން ބޭރުން ގެނައުމަށް ބޭނުންވާ ޑޮލަރުގެ ތެރެއިން ދެ ލައްކަ ޑޮލަރު ސަރުކާރުން މިދިޔަ މާޗު މަހުގެ ހަވަނަ ދުވަހު ހަމަޖައްސައިދިން ނަމަވެސް އޯޑަރު ޖަހާފައިވަނީ ފަހުން ކަމަށް މައުލޫމާތ ލިބެއެވެ. އަދި 45 ދުވަސްތެރޭ ސެސްނާ 150 ނިކުންނާނެ ކަމަށް ދަރިވަރުންނަށް އަންގާފައިވީ ނަމަވެސް އެ މުއްދަތު ފަހަނައަޅާ ދިޔައިރު ވެސް އެކަމެއް ވެސް ހާސިލުވެފައެއް ނުވެއެވެ.

ދުއްވާނެ ބޯޓެއް ނެތް ނަމަވެސް ފްލައިން ސްކޫލުން ދާދިފަހަކާ ޖެހެންދެން ދިޔައީ ސިމިއުލޭޓާ އަޅަން ބޭނުންވާ ދަރިވަރުންނަށް އެ ފުރުސަތު ފަހިކޮށްދެމުންނެވެ. ނަމަވެސް ސިމިއުލޭޓާ އަށް މައްސަލަތަކެއް ދިމާވެ މި މަހުގެ 11 އިން ފެށިގެން އެކަމަށް ވެސް ވަނީ ހުއްޓުމެއް އައިސްފައެވެ.

3 Yrs ago, me & some friends left our cabin crew jobs on the hope of coming back as pilots within 2 Yrs MAX. 3 yrs 3 months later, I’m still at AAA. Hopes & dreams shattered. We need another solution, @aaoamaldives is not an option. #JusticeForAAAstudents @ibusolih @FaisalNasym pic.twitter.com/GLr4F6xri2

— wolowizard (@wolowiizard) May 21, 2021

ސްކޫލްގައި ހުރި މައްސަލަތަކެއް ހައްލެއް ނުލިބި ދިގުލައި، އަދި ހާލަތު އިތުރަށް ގޯސްވެފައިވާތީ ދަރިވަރުން އަންނަނީ ސޯޝަލް މީޑިއާގައި ޝުއޫރުތައް ފާޅުކުރަމުންނެވެ. އެގޮތުން ދަރިވަރުން އަންނަނީ ވާނުވާ ގައި ދަރިވަރުން ނުބޭތިއްބުމަށާއި ސަރުކާރުން އަވަސް ހައްލެއް ހޯދައިދިނުމަށް ގޮވާލަމުންނެވެ. އަދި ދަރިވަރުން އަންނަނީ މިހާރު ބޭނުންވަނީ އޭއޭއޭ ނޫން ހައްލެއް ކަމަށްވެސް ބުނަމުންނެވެ.

ފްލައިން ސްކޫލް ހިންގާ އޭއޭއޭ އާއެކު ގަން އެއާޕޯޓު ކުންފުނިން ހަދާފައިވާ ކޮންޓްރެކްޓްގެ މުއްދަތު މިއަހަރުގެ ޖުލައި ނިޔަލަށް ހަމަވާއިރު ދާދިފަހުން ރައީސް އިބްރާހިމް މުހައްމަދު ސޯލިހު ވަނީ ނިންމެވުންތަކެއް ނިންމަވާފައެވެ.

އެގޮތުން ސިވިލް އޭވިއޭޝަން އޮތޯރިޓީގެ އޮޑިޓްގައި ފާހަގަކޮށްފައިވާ ކަންކަމާ ގުޅިގެން އެ ތަނުގެ ހެޑް އޮފް ޕައިލެޓް ޓްރެއިނިންގ އާއި އެކައުންޓެބަލް މެނޭޖަރގެ މައްސަލަ އިތުރަށް ބަލާ ފިޔަވަޅު އެޅުމަށް ރައީސް ވަނީ އަންގަވާފައެވެ. ފްލައިން ސްކޫލްގެ ހެޑް އޮފް ޓްރެއިނިންގެ މަގާމު އަދާކުރަމުންދަނީ ސުރަންޖަން ޑި ސިލްވާ އެވެ. އަދި އެކައުންޓެބަލް މެނޭޖަރގެ މަގާމު އަދާކުރަނީ އަލީ އަކްބަރު ސައިފުއްދީން ޖީވަންޖީއެވެ.

މީގެއިތުރުން ރައީސް ވަނީ އެ ސްކޫލްގެ މައްސަލަ ދިގުލައިގެން ދިއުމުގައި ސިވިލް އޭވިއޭޝަން އޮތޯރިޓީގެ އިހުމާލެއް ވޭތޯ ބެލުމަށް މިނިވަން އޮޑިޓެއް ހަދައި، އިހުމާލުވެފައި ވާނަމަ، އިހުމާލުވެފައިވާ ފަރާތްތަކާ މެދު ފިޔަވަޅު އެޅުމަށް ވެސް އަންގަވާފައެވެ. އަދި އެ ސްކޫލްގައި ކިޔަވަމުންދާ ދަރިވަރުންގެ ތެރެއިން ބޭންކް އޮފް މޯލްޑިވްސް އިން ލޯނު ނަގާފައިވާ ދަރިވަރުންގެ ލޯނު މަތީ ތައުލީމާއި ތަމްރީނު ހޯދުމަށް މިނިސްޓްރީ އޮފް ހަޔާ އެޑީއުކޭޝަން އިން ދޫކުރާ ލޯނުތަކަށް ބަދަލުކުރަން ވެސް ރައީސް ވަނީ އަންގަވާފައެވެ.