ހދ. ހަނިމާދޫ ސިއްހީ މަރުކަޒުން، އެއަތޮޅު ކުޅުދުއްފުއްޓަށް ފޮނުވާލި މާބަނޑު އަންހެނަކު ލޯންޗުތެރޭގައި ވިހައިފި އެވެ.
“ކުޅުދުއްފުށި އޮންލައިން” އިން ރިޕޯޓު ކޮށްފައިވާ ގޮތުގައި މިއަދު ގާތްގަނޑަށް 7:10 ހާއިރު ހިނގި މިހާދިސާގައި ދެ މައިންގެ ހާލުވެސް ރަނގަޅުކަމަށެވެ.
އެ އަންހެން މީހާ ވިހާފައިވަނީ އޭނާ ގޮވައިގެން ދަތުރުކުރި ލޯންޗް ކުޅުދުއްފުށި ސިޓީ ފަޅަށް ވަތްފަހުން ކަމަށް މައުލޫމާތު ލިބެއެވެ.
އެ މީހާ ވިހެއިރު ހަނިމާދޫ ސިއްހީ މަރުކަޒުގެ ދެ ސިއްހީ އެހީތެރިޔަކު ލޯންޗުގައި ތިބި ކަމަށާއި ހޮސްޕިޓަލަށް ގެންދިޔައީ އެ މީހާ ވިހެއުމަށްފަހު ކަމަށް ވެސް އެ ނޫހުގައިވެއެވެ.