ރާއްޖެއިން ކޮވިޑް-19 ޖެހިގެން ފަރުވާ ހޯދަމުން ދިޔަ އިތުރު މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީން ބުނެފައިވަނީ މިއަދު ހެނދުނު 10:31 ގައި ނިޔާވެފައިވަނީ 94 އަހަރުގެ ދިވެހި ފިރެހެނެއް ކަމަށެވެ. މި މީހާ ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި ފަރުވާ ދެމުން ދަނިކޮށެވެ.
މިއީ ރާއްޖެއިން ކޮވިޑް-19 ޖެހިގެން މަރުވި 191 ވަނަ މީހާއެވެ. އަދި މިއީ ކޮވިޑް-19ގައި މިއަދުގެ ދެވަނަ މަރެވެ.
ރާއްޖެއިން މި ފަހަކަށް އައިސް ކޮވިޑްގައި މަރުވާ މީހުންގެ އަދަދު ވަނީ ރެކޯޑް އަދަދަކަށް އިތުރު ވެފައެވެ. މި ބަލީގައި މިހާތަނަށް ރާއްޖެއިން ކުޑަ ކުއްޖެއްވެސް ވަނީ ނިޔާވެފައެވެ.
