މާލޭ ސަރަހައްދުގެ ކާފިއު ވަގުތު ހަވީރު 4:00 އިން އިން ފަތިހު 4:00 އަށް ކުޑަކޮށްފިއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގް ވިދާޅުވީ ކާފިއު ވަގުތު 4 އިން 4 އަށް ބަދަލު ކޮށްފައިވާ ކަމަށާއި އަދި ފަތިހު 4:00 އިން ހެނދުނު 8:00 އަށް އެކަނި ކަސްރަތު ކުރަން ހުއްދައަކާ ނުލާ ނިކުމެވޭނެ ކަމަށެވެ.
ނަމަވެސް ހެނދުނު 8:00 އިން ހަވީރު 4:00 އާ ހަމައަށް ބޭރަށް ނިކުމެވޭނީ މިހާރެކޭ އެއްގޮތަށް ހުއްދަތައް ލިބިފައިވާ މީހުންނަށް ކަމަށް ނަޒްލާ ވިދާޅުވިއެވެ.
މީގެ ތިން ހަފްތާ ކުރީން ފެށިގެން މާލެ ސަރަހައްދުގައި ހަވީރު ހަތަރަކުން ހެނދުނު އަށަކަށް ދަނީ ކާފިއު ހިންގަމުންނެވެ. އަދި ހެނދުނު އަށަކުން ހަވީރު ހަތަރަކަށް ހުއްދަ ނެތި ބޭރުގައި އުޅުން ވަނީ މަނާކޮށްފައެވެ. އެ ފިޔަވަޅުތައް އެޅި މުއްދަތު މާދަމާއަށް ހަމަވާނެ އެވެ.