ހުޅުމާލޭ ފެސިލިޓީގައި ކޮވިޑަށް ފަރުވާ ދެމުންދިޔަ މީހަކު މަރުވެއްޖެ

ކޮވިޑަށް ފަރުވާ ހޯދަމުން ދިޔަ މީހަކު މަރުވެއްޖެއެވެ.

އެޗްޕީއޭއިން ބުނީ ހުޅުމާލޭ މެޑިކަލް ފެސިލިޓީގަ ކޮވިޑަށް ފަރުވާ ހޯދަމުން ދިޔަ އުމުރުން 68 އަހަރުގެ ދިވެހި އަންހެނެއް މަރުވެފައިވާ ކަމަށެވެ. މިމީހާ މަރުވެފައި ވަނީ ރޭ ދަންވަރު 2:05 ހާއިރު ކަމަށް އެޗްޕީއޭއިން ބުނެއެވެ.

މިމީހާއެކު ރާއްޖެއިން ކޮވިޑް ބަލީގައި މަރުވި މީހުންގެ ޢަދަދުވަނީ 202އަށް އަރާފައެވެ. މީގެ ތެރޭގައި ހިމެނެނީ 185 ދިވެހިންނާއި 17 ބިދޭސީންނެވެ.

ކޮވިޑް-19 އަށް ފަރުވާދެމުންދިޔަ މީހަކު އިއްޔެވެސް ވަނީ މަރުވެފައެވެ. އިއްޔެ މަރުވީ ދަރުމަވަންތަ ހޮސްޕިޓަލްގެ 11 ވަނަ ފަންގިފިލައިގަ ފަރުވާ ދެމުންދިޔަ އުމުރުން 70 އަހަރުގެ ދިވެހި ފިރިހެނެކެވެ.