އައްޑޫއިން ފުވައްމުލަކަށް ޓްރާންސްފޯމަރެއް ގެންދިއުމުގެ މަސައްކަތް ފަށާފައިވާ ކަމަށް ފެނަކައިން ބުނެފިއެވެ.
މައުލޫމާތު ލިބިފައިވާ ގޮތުގައި ރޭ ފަތިހު ފެށިގެން ފުވައްމުލަކުން ވަނީ ކަރަންޓްގެ ހިދުމަތް މެދުކެނޑު ކެނޑިފައެވެ.
ފެނަކައިން ބުނީ މައްސަލަ ޖެހުނީ މައި ޓްރާންސްފޯމަރަށް ކަމަށާއި އެ ޓްރާންސްފޯމަރުގެ ބަދަލުގައި އައްޑޫ ސިޓީން ފޯމަރެއް ގެނައުމުގެ މަސައްކަތް މިހާރު ކުރަމުންދާ ކަމަށެވެ.
މި މައްސަލަ ހައްލުކޮށް 12-10 ގަޑިއިރު ނަގާނެ ކަމަށް ލަފާކުރެވޭ ކަމަށް ފެނަކައިން ބުނެއެވެ.
ފެނަކައިން ވަނީ އެކަމުގެ ސަބަބުން ދިމާވަމުން އަންނަ ދަތިތަކަށް މައާފަށް އެދިފައެވެ.