ކުރިއަށް އޮތް ވަގުތުތަކުގެ ތެރޭގައި ރާއްޖޭގެ މޫސުން ގޯސްވެދާނެ ކަމަށް ލަފާކުރެވޭތީ، ރާއްޖޭގެ ބޮޑު ބަޔަކަށް ހުދު ސަމާލު ނެރެފި އެވެ.
ރާއްޖޭގެ މޫސުމާ ބެހޭ ގައުމީ އިދާރާއިން ހުދު ސަމާލު ނެރެފައިވަނީ ރ. އަތޮޅުން ފެށިގެން އައްޑޫ އަތޮޅަށެވެ. އެއީ ހެނދުނު 11:00 އިން ހަވީރު 16:00 ހަމައަށެވެ.
މެޓް އޮފީހުން ހުދު ސަމާލުނެރެފައި ވަނީ ރާއްޖޭގެ މި ސަރަހައްދުތަކަށް ބޯކޮށް ވާރޭ ވެހުމާއި އެކު ގުގުރާނެ ކަމަށް ލަފާ ކުރެވޭތީ އެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަ ވާނެ ކަމަށް ވެސް ލަފާކޮށްފައި ވެއެވެ.
Alert white for heavy rain and thunderstorms with gusts of 40 mph. pic.twitter.com/Y2Qd5iPqbN
— Maldives Meteorology (@MetMaldives) December 11, 2021
ރާއްޖޭގެ މޫސުން ގޯސްވުމާއި ގުޅިގެން ކަނަޑު ދަތުރު ފަތުރު ކުރާ ފަރާތްތަކުން ސަމާލުކަން ދީގެން ދަތުރުކުރުމަށް ރާއްޖޭގެ މޫސުމާ ބެހޭ ގައުމީ އިދާރާއިން ވަނީ އިލްތިމާސްކޮށްފައެވެ.
