48 ގަޑިއިރުގެ ތެރޭގައި 119 ކިލޯގެ މަސްތުވާތަކެތި އަތުލައިގެންފިއެވެ.
ކޮމިޝަނަރ އޮފް ޕޮލިސް މުހައްމަދު ހަމީދު ކުރެއްވި ޓުވީޓެއްގައި ވިދާޅުވީ ހެރޮއިންކަމަށް ޝައްކުކުރެވޭ 91 ޕެކެޓު ފެނިފައިވާ ކަމަށެވެ. އާދިއްތަ ދުވަހުގެރޭވެސް ވަނީ މަސްތުވާތަކެތީގެ 28 ޕެކެޓު އަތުލައިގެންފައެވެ. އެހެންކަމުން 48 ގަޑިއިރުގެ ތެރޭ ޖުމްލަ 119 ޕެކެޓު މަސްތުވާތަކެތި އަތުލައިގަނެވިފައިވާ ކަމަށާއި ބަރުދަނުގައި ޖުމްލަ 119 ކިލޯ ހުންނާނެ ކަމަށް ސީޕީ ހަމީދު ވިދާޅުވިއެވެ.
Our teams have successfully recovered additional 91 packets of narcotic drugs that are suspected to be heroin after really good policing work during the last 48 hours. This makes it a total of 119 packets with the 28 packets seized on Sunday night. Estimated weight is 119 kgs. pic.twitter.com/oDOUxWre4w
— Mohamed Hameed (@M_Hameedh) December 14, 2021
އާދިއްތަ ދުވަހުގެރޭ ފުލުހުން ވަނީ ޓެކްސީއެއް ހުއްޓުވައި ގިނަ އަދަދެއްގެ މަސްތުވާތަކެތި އަތުލައިގެންފައެވެ. މި 119 ޕެކެޓުގެ ތެރޭގައި ޓެކްސީގެ ތެރެއިން އަތުލައިގަނެފައިވާ ޕެކެޓުތައް ހިމެނޭކަމަށް ބެލެވެއެވެ.
މިފަހަކަށް އައިސް ބޮޑެތި އަދަދުތަކުން މަސްތުވާތަކެތި އަތުލައިގަންނަމުންދާ މިންވަރު ވަނީ އިތުރުވެފައެވެ. ފުލުހުންނާއި ހޯމް މިނިސްޓްރީއިން ފާހަގަކުރާ ގޮތުގައި މިއީ ފުލުހުންގެ އޮޕަރޭޝަންތައް ވަރުގަދަވުމުގެ ނަތީޖާއެވެ.
އެހެންނަމަވެސް މިފަދަ ކޭސްތަކުގައި އަތުލައިގަންނަ ނުވަތަ ތުހުމަތުކުރެވޭ މީހުންގެ މައްޗަށް ކުސް ސާބިތުނުވެ ޝަރުއީ މަރުހަލާއިން ދޫވެގެން ދިޔުމަކީ ގިނަ ބައެއްގެ ކަންބޮޑުވުން އޮތްކަމެއްކަން ފާހަގަކުރެވެއެވެ.
advertisment