ރައްޔިތުން ނިކުމެ އިންޑިއާ އައުޓަށް ގޮވަން ޖެހެނީ ސަރުކާރުގެ ޕާޓީ ކަމަށް ވާ އެމްޑީޕީ ގެ ސަބަބުން ކަމަށް މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
މެމްބަރު ސައީދު މިގޮތަށް ވިދާޅުވެފައިވަނީ އދ. ގެ އާންމު މަޖިލީހުގެ ރައީސްކަން ކުރައްވާ ރާއްޖޭގެ ފޮރިން މިނިސްޓަރ އަބްދުﷲ ޝާހިދު އިދިކޮޅު ފަރާތްތަކުން ކުރިޔަށް ގެންދާ އިންޑިއާ އައުޓް ކެމްޕޭނަށް ފާޑު ވިދާޅުވުމާއި ގުޅިގެން އެކަމަށް ރައްދުދެއްވަމުންނެވެ.
ސައީދު ކުރެއްވި ޓްވީޓުގައި ވަނީ ޝާހިދު ވެސް ވިދާޅުވާ ފަދައިން ގައުމެއް ކުޑަ ގައުމަކަށް ވުމަކީ އެހެން ގައުމެއްގެ ޝިކާރައަކަށް ވާންޖެހޭ ސަބަބެއް ނޫން ކަމުގައެވެ. އަދި އެމްޑީޕީ އިން ގައުމުގެ މަސްލަހަތު ނަގާލާ ފަދަ އަމަލުތައް ހިންގަމުން ދާ އިރު، ޕާޓީގެ މި އަމަލުތައް ހުއްޓުވަން ޖެހޭ ކަމުގައި ވެސް ބުނެފައިވެއެވެ.
Varah bodu thedhufulheh @abdulla_shahid. Gaumeh kuda vumakee bodu gaumegge shikaara akah vegen nuvaane. @MDPSecretariat ge mifadha amalu thah huttaalan jehey #IndiaOut ey rayyithun govanee MDP ge sababun. pic.twitter.com/sZH8fg7FvE
— Mohamed Saeed (@em_saeed) January 12, 2022
އިންޑިއާގެ ވެރިކަން ކުރާ ޕާޓީއިން ރާއްޖެއަށް އިންޑިއާ ސިފައިން ފޮނުވާލަން ޖެހިދާނެ ކަމަށް ބުނެ ލިޔެފައިވާ ހަބަރަކާއި އިންޑީއާ އާއި ގުޅުން ހުރި އެހެން ހަބަރުތަކެއް އެކުލަވާލަމުން ސައީދު ކޮށްފައިވާ މި ޓްވީޓުގައި ވަނީ ރައްޔިތުންގެ މި އަމަލުތަކަކީ ރާއްޖޭގެ ވެރިކަން ކުރާ މައި ޕާޓީގެ އަމަލުތައް ހުރި ގޮތުން ނިކުންނަ ނަތީޖާ ކަމުގައި ބުނެފައެވެ. އަދި އިންޑިއާ އައުޓަށް ރައްޔިތުން ގޮވަނީ ވެސް މި ޕާޓީގެ ސަބަބުން ކަމަށެވެ.
advertisment