ކޮވިޑު-19 ގެ ބަލި ހުރިތޯ ބެލުމަށް ހަދާ އެންޓިޖެން ޓެސްޓް ހެލްތް ޕްރޮޓެކްޝަން އޭޖެންސީ (އެޗްޕީއޭ) ގެ ޓެސްޓު ކުރާ ސެންޓަރުތަކުން ހެދޭނެ އިންތިޒާމުތައް ހަމަޖެހިފައިވާކަމަށް ރައީސުލްޖުމްހޫރިއްޔާގެ އޮފީހުން ބުނެފި އެވެ.
މީޑިއާތަކަށް މައުލޫމާތު ދެމުން ރައީސް އޮފީހުން ވަނީ ކުޑަ ވަގުތުކޮޅެއްގެ ތެރޭގައި ނަތީޖާ ލިބޭ ކޮވިޑުގެ ރެޕިޑް ޓެސްޓިން ކުރިޔަށް ގެންދާނީ ހެންވޭރު ދަނޑާއި، ސޯޝަލް ސެންޓަރު އަދި ހުޅުމާލޭގެ ރުއްގަނޑު ސަރަހައްދުން ކަމަށެވެ. މާދަމާގެ 03:00 އިން ފެށިގެން މި ސެންޓަރުތައް ހުޅުވާފައި ހުންނާނެ އެވެ.
ބަލީގެ އަލާމާތްތަކާއި އެކު ޓެސްޓު ކުރަން ދާ މީހުންނަށް މި އިންތިޒާމުތައް ހަމަޖެހިފައވާއިރު، މި ކިޓު ބޭނުންކޮށްގެން ކުޑަ ވަގުތުކޮޅެއްގެ ތެރޭގައި ކޮވިޑުގެ ނަތީޖާ ލިބޭނެކަމަށް ރައީސް އޮފީހުން ބުންޏެވެ.
ރެޕިޑް އެންޓިޖެން ޓެސްޓިންއަށް ހުއްދަ ދިނުމާއި ގުޅޭގޮތުން މިއަދު ހެލްތް މިނިސްޓްރީގައި އޮތް ޕްރެސްގައި ވެސް މައުލޫމާތު ދިނެވެ.
Henveiru Football Ground has been added as a Sample Collection Center from today 3:00pm.
To check Sample Collection Centers and Flu Clinics timings in Greater Male' Region: https://t.co/bIAhBDUNN2
— Health Protection Agency (@HPA_MV) January 23, 2022
ރާއްޖޭގައި ކޮވިޑު ހުރިތޯ ބެލުމަށް ބޭނުން ކުރަނީ ޕީސީއާރު ޓެސްޓު ކިޓެވެ. ނަމަވެސް އެކަމަށް ގިނަ ވަގުތު ނެގުމާއި، ބެކް ލޮގުތަކުގެ ސަބަބުން ގިނަ ފަހަރަށް ނަތީޖާ ލިބެނީ 2 ދުވަސް ނުވަތަ 3 ދުވަސް ފާއިތުވާފަހުންނެވެ.
ބަލި ޖެހިފައިވާ މީހުން ދެނެގަތުމަށް މިހާރު ހަދަމުން އަންނަނީ ޕީސީއާރު ޓެސްޓެވެ. ނަމަވެސް އެ ޓެސްޓް ހަދައިގެން ނަތީޖާ ލިބުމަށް ގިނަ ވަގުތު ނަގަ އެވެ. އެހެންވެ، ހަލުއިކޮށް ފެތުރެމުންދާ އޮމިކްރޮން ވޭރިއަންޓާ ގުޅިގެން ބޭރުގެ ބައެއް ގައުމުތަކުގައި ވަނީ ރެޕިޑް ޓެސްޓް ބޭނުންކުރާ މިންވަރު އިތުރުކޮށްފަ އެވެ.