ބަރުލަމާނީ ނިޒާމަށް ބަދަލުނުވެއްޖެނަމަ އެމްޑީޕީއަށް ވެރިކަން ގެއްލިދާނެ ކަމަށް އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ކޮމަންޑޫ ދާއިރާގެ ބައި އިލެކްޝަންގެ ކާމިޔާބީއަށް ފަހު އެ މަނިކުފާނުގެ މި ވާހަކަފުޅު ހިއްސާ ކުރެއްވީ އެމްޑީޕީގެ ގައުމީ މަޖިލީހުގެ ވަޓްސް އެޕް ގްރޫޕެއްގައި ލިޔުއްވެވި މެސެޖެއް މެދުވެރި ކޮށެވެ.
އެގޮތުން ރައީސް ނަޝީދު ވަނީ މިއިންތިހާބުގައިވެސް އެމްޑީޕީއަށް 50 އިންސައްތަ ވޯޓު ނުލިބުނުކަން ފާހަގަކޮށް، ބަރުލަމާނީއަށް ބަދަލު ނުކޮށްފިނަމަ ވެރިކަމުގައި ނުތިބޭނެކަމަށް ވިދާޅުވެފައެވެ.
“ޝުކުރިއްޔާ، އެކަމު 50 ޕަސެންޓް ހުރަސް ނުކުރި. ބަރުލަމާނީއަށް ބަދަލު ނުވެއްޖެނަމަ އަޅުގަނޑުމެން ވެރިކަމުގައި ނުތިބޭނެ.” މެސެޖުގައި ރައީސް ނަޝީދު ވިދާޅުވެފައިވެއެވެ.
މީގެކުރިންވެސް އެކިފަހަރުމަތިން ރައީސް ނަޝީދު ވަނީ ބަރުލަމާނީއަށް ރާއްޖޭގެ ވެރިކަމުގެ ނިޒާމު ބަދަލުކުރަންޖެހޭކަމަށް ވިދާޅުވެފައެވެ.