އިނގިރޭސިވިލާތުގެ ހައި ކޮމިޝަނެއް ރާއްޖޭގައި ހުޅުވައިފި އެވެ.
ހައިކޮމިޝަން ހުޅުއްވައިދެއްވީ މިހާރު ރާއްޖެ ވަޑައިގެން އުޅުއްވާ އިނގިރޭސިވިލާތުގެ މިނިސްޓާ އޮފް ސްޓޭޓް ފޯ ސައުތު އެންޑް ސެންޓްރަލް އޭޝިއާ، ދަ ޔޫއެން އެންޑް ދަ ކޮމަންވެލްތު ލޯޑު ތޯރިގު އަހްމަދާއި ރާއްޖޭގެ ފޮރިން މިނިސްޓްރީގެ ސްޓޭޓް މިނިސްޓަރު އަހްމަދު ހަލީލް އެވެ.
އެތަން ހުޅުވަން ބޭއްވި ރަސްމިއްޔާތުގައި އޮންލައިންކޮށް ބައިވެރިވެވަޑައިގެން ފޮރިން މިނިސްޓަރު އަބްދުﷲ ޝާހިދު ވިދާޅުވީ ރާއްޖޭގައި އިނގިރޭސިވިލާތުގެ ހައިކޮމިޝަން ހުޅުވުމަކީ ދެ ގައުމުން ވެސް އިތުރަށް ގުޅުން ބަދަހިކުރަން ބޭނުންވާކަން ހާމަކޮށްދޭ ކަމެއް ކަމަށެވެ. އަދި އިގްތިސާދީ ގޮތުންނާއި އިޖުތިމާއީ ގޮތުންނާއި ސިޔާސީ ގޮތުން ވެސް ރާއްޖެއިން ހޯދަމުންދާ ކުރިއެރުންތަކުގައި އިނގިރޭސިވިލާތަކީ މުހިންމު ބައިވެރިއެއްކަމަށް ޝާހިދު ވިދާޅުވި އެވެ.
އިނގިރޭސިވިލާތުގެ ހައިކޮމިޝަނަކީ ޔޫރަޕްގެ ގައުމަކުން ރާއްޖޭގައި ހުޅުވި ފުރަތަމަ ހައިކޮމިޝަނެވެ.