މިއަހަރުގެ ރޯދަމަސް ފެށުމުގެ ކުރިއަށް މާލޭ އާއި ވިލިމާލޭގެ ހުރިހާ މިސްކިތެއްގައި ސީސީޓީވީ ކެމެރާ ހަރުކޮށް ނިމޭނެކަމަށް މާލެ ސިޓީގެ މޭޔަރު ޑރ މުހައްމަދު މުއިއްޒު ވިދާޅުވެއްޖެއެވެ.
މުއިއްޒު ކުރައްވާފައިވާ ޓްވީޓްގައި ވާގޮތުން މާލެ އާއި ވިލިމާލެ މިސްކިތްތަކުގައި މިވަގުތު ކެމެރާ ހަރުކުރެވެމުން ދާކަމަށާއި އަންނަ ރޯދަމަސް ފެށެންވާއިރަށް އެމަސައްކަތް ކޮށް ނިމޭނެ ކަމުގައި ވިދާޅުވިއެވެ.
Male aa Vilimale ge hurihaa miskithehggai cctv harukurumah @MaleCitymv in kuriyah gendhaa mashroou ge masakkai in sha Allah roadhamas feshenvaa irah nimeyne. Misktihuge ethereyaa beyrugai camera harukureveyne. pic.twitter.com/TvGK3kmT7Q
— Dr Mohamed Muizzu (@MMuizzu) February 23, 2022
މީގެ އިތުރުން މާލެ ސިޓީ ކައުންސިލުން މާލެ ސަރަަަހައްދުގެ މިސްކިތްތައް މަރާމާތުކޮށް އާބާތުރަ ފިލުވުމުގެ މަސައްކަތްތައް ކުރަމުން އަންނަކަން ފާހަގަކޮށްލެވެއެވެ. އެގޮތުން ހުޅުމާލެ އާއި ވިލިމާލެ އާއި މާލެ ހިމެނޭ ގޮތަށް މިސްކިތްތަކުގެ ފާރުގައި ކުލަލުމާއި ފަންކާ ހަރުކުރުމާއި މިސްކިތްތައް ފޮޅާ ސާފުކުރުމުގެ މަސައްކަތް މާލެސިޓީ ކައުންސިލުން ފާއިތުވެދިޔަ ދުވަސްތަކުގައި ވަނީ ކޮށްފައެވެ.
މިފަހަކަށް އައިސް މިސްކިތްތަކުގައި ބައެއް މީހުން ނިދުމާއި ކެއިން ބުއިމުގެ އިތުރުން މިސްކިތުގެ ހުރުމަތް ކެނޑޭފަދަ އަމަލުތައް ދޭތެރެ ދޭތެެރެއިން ހިންގަމުން އަންނައިރު މިދިޔަ އަހަރުގެ ތެރޭގައި އިސްލާމީ މަރުކަޒުގައި ނަމާދުކުރަން ތިއްބާ އިމާމުގެ ކުރިމައްޗަށް މީހަކު ކުޑަކަމުގޮސްފައިވާ ކަންވެސް ފާހަގަކޮށްލެވެއެވެ.
advertisment