2023 ވަނަ އަހަރުގެ ރިޔާސީ އިންތިހާބު އެމްޑީޕީއަށް ލިބިގަންނަށް ބޭނުން ވަނީ “ގަޓު” ހުރި ލީޑާޝިޕްއެއް ކަމަށާއި ޕާޓީ ހިންގާލުމަށް ބޭނުންވަނީ އިކޮނޮމިކް މިނިސްޓަރު ފައްޔާޒް އިސްމާއީލާއި، އައްޑޫ މީދޫ ދާއިރާގެ މެންބަރު ރޮޒައިނާ އާދަމްކަމަށް އައްޑޫ ސިޓީގެ މޭޔަރ އަލީ ނިޒާރު ވިދާޅުވެއްޖެއެވެ.
އެމްޑީޕީގެ އެތެރޭގެ ވާދަވެރިކަން އުފެދި، ޕާޓީގެ މެމްބަރުން ގެންދަވަނީ ތާއީދު އޮތީ ކޮން ބޭފުޅަކަށްކަން ހާމަ ކުރައްވަމުންނެވެ. ޕާޓީ ދެބަޔަކަށް ބެހި އިންތިހާބުގެ ކެމްޕެއިންތައް ކުރިޔަށްދާއިރު ފައްޔާޒާއި ރޮޒެއިނާ ދެބޭފުޅުން މިވަގުތު ތިއްބެވީ އައްޑޫގަ އެވެ.
އައްޑޫ ކެމްޕެއިނުގައި ފައްޔާޒާއި އެކު ހަރަކާތްތެރިވަމުން ނިޒާރު ކުރެއްވި ޓްވީޓެއްގައި ވިދާޅުވީ، އައްޑޫގެ ތަރައްގީގެ މަސައްކަތްތަށް އެންމެ ގާތުން ބައްލަވައި މަޝްވަރާ ދެއްވާ ބޭފުޅަކީވެސް ފައްޔާޒް ކަމަށެވެ.
Addu ge tharaggee ge masakkai emme gaathun ballavai mashvaraa dhevvaa beyfulhakee @faya_i. Alhugadu Iskuraanee Addu ge maslahath. 2023 ge Riyaasee Inthihaab @MDPSecretariat ah libigannan beynun vanee "gut" huri leadership eh. @Roxeyna adhi @faya_i akee Hingaalaane 2 beyfulhun. pic.twitter.com/Nhzf5rWzxy
— Ali Nizar (@DhekunuNizar) March 5, 2022
އެމްޑީޕީގެ އެތެރޭގެ އިންތިހާބާއި ގުޅިގެން ޕާޓީގެ ތެރެ ވަނީ ބޮއްސުލައި ދެ ފެކްޝަންއަކަށްވެފަ އެވެ. ޕާޓީގެ އެއްމެންބަރަކު އެނެއް މެނބަރަށް އިގިލި ދިއްކޮށް އިދިކޮޅަށް ގޮވަމުން ދާއިރު މިނިސްޓަރު ފައްޔާޒުގެ ބޮލުގައި ވަނީ ނުފޫޒުގެ ބޭނުން ކޮށްގެން ވަޒީފާއިން ބިރު ދެއްކާކަމުގެ ތުހުމަތު ވެސް އެޅުވިފަ އެވެ.
ނިޒާރަކީ ހިޔާނާތުގެ ލިސްޓުގައި ނަން ހިމެނޭކަމަށް ބުނެ، ކައުންސިލް އިންތިހާބުގެ ތެރޭގައި ވެސް އެމްޑީޕީގެ ބައެއް މެމްބަރުންގެ ފާޑުކިއުން އަމާޒުވި ބޭފުޅެކެވެ. އަދި ރައީސް މުހައްމަދު ނަޝީދު ވެސް ވަނީ އޭނާއާއި މެދު ނުރުހުންފާޅު ކުރައްވާފަ އެވެ.
advertisment