އިތުރު 21 ރަށަކަށް ފޮނުވާ އެމްބިއުލާންސްތަކެއް ގެނެސްފި އެވެ.
ހެލްތު މިނިސްޓްރީން މި ތަކެތި ގެނައުމުގެ ގެންނަނީ ސަރުކާރުގެ ވިޔަފާރި، ކުންފުނި އެސްޓީއޯ ހަވާލުކޮށްގެންނެވެ. އެގޮތުން އެމްބިއުލާންސްގެ ގެންނަން ފެށި ހަތަރުވަނަ ބުރުގައި އިތުރު 21 އެމްބިއުލާންސް ގެނެސްފައިވެ އެވެ.
އެސްޓީއޯ އިން ކުރި ޓްވީޓެއްގައި ބުނީ އެ ތަކެތި ފޮނުވަން ޖެހޭ ރަށްރަށަށް ވަރަށް އަވަހަށް ފޮނުވާނެ ކަމަށެވެ.
އަތޮޅުތެރޭގެ ހޮސްޕިޓަލުތަކުގަ އާއި ސިއްހީ މަރުކަޒުތަކުގައި އެމްބިއުލާންސް ނެތުމާ ގުޅިގެން ދިމާވެފައިވާ ދަތިތަކަށް ހައްލެއް ހޯދައިދިނުމުގެ ގޮތުން އަތޮޅުތެރެއަށް ބޭނުންވާ 96 އެމްބިއުލާންސް ގެނައުމަށްޓަކައި ފިނޭންސް މިނިސްޓްރީ އާއި އެސްޓީއޯއާއެކު، ހެލްތުން މިނިސްޓްރީން ވަނީ މިދިޔަ ޖޫން މަހުގެ ތެރޭގައި އެއްބަސްވުމެއްގައި ސޮއިކޮށްފައެވެ.
advertisment