ރާއްޖެ އިން ޖުޒާމްބަލި އެއްކޮށް ނައްތާލައިފިއެވެ.
ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ވަނީ ރާއްޖެއަކީ ޖުޒާމްބަލި (ލެޕްރަސީ) ނެތް ގައުމެއްކަމަށް ކަނޑައަޅާފައެވެ. އެގޮތުން އެ ޖައްމިއްޔާއިން މިކަން ފާހަގަކޮށް، ވަނީ ފިލައެއް ދެއްވާފައެވެ.
އެ ފިލާ ހަވާލު ކުރައްވާފައިވަނީ ހެލްތު މިނިސްޓަރު އަހުމަދު ނަސީމްއާއެވެ.
Congratulations #Maldives for interrupting transmission of leprosy by achieving zero child case detection for more than 5⃣ consecutive years. Regional Director Dr Poonam Khetrapal Singh felicitated Health Minister of Maldives Ahmed Naseem at #RC76. pic.twitter.com/jtcTTUBaKN
— WHO South-East Asia (@WHOSEARO) October 31, 2023
ޖުޒާމް ބަލި ރާއްޖެއިން އެއްކޮށް ނައްތާލުމަށް “ޒީރޯ ލެޕްރަސީ” ނަމުގައި ފްރޭމް ވޯކެއް ތައާރަފްކޮށް މަސައްކަތް ފަށާފައިވަނީ މި ދިޔަ އޮގަސްޓް މަސްތެރޭގައެވެ. އޭރު ހެލްތު ޕްރޮތެކްޝަން އެޖެންސީ (އެޗްޕީއޭ)އިން ބުނީ އޮކްޓޯބަރު މަހުގެ ނިޔަލަށް މި މަސައްކްތަ އެއްކޮށް ނިންމާ ލެވޭނެ ކަމަށެވެ.
“ޒީރޯ ލެޕްރަސީ” ނަމުގައި ތައާރަފް ކުރެވުނު ފްރޭމްވޯކަކީ 2019 ވަނަ އަހަރު ތައާރަފް ކުރެވުނު ފްރޭމް ވޯކެއް ކަމަށްވެސް އެޗްޕީއޭއިން ބުނެއެވެ.
އެ ފްރޭމްވޯކާއެކު، ޖުޒާމް ބަލީގެ ސްކްރީން ބޭއްވުމާއި، ރާއްޖެއިން ކަނޑައަޅާ ފަރާތްތަކުން ކަމާއި ގުޅޭ އިންޓާނަލް ވެރިފިކޭޝަން އެސިސްމެންޓް ކުރިއަށް ގެންގޮސްފައިވެއެވެ. އެންމެ ފުރަތަމަ ޖުޒާމުބަލި ‘ޒީރޯ ލެޕްރަސީ’ ގައުމެއްގެ ގޮތުގައި ރާއްޖެ ކަނޑައެޅުމުގެ މަސައްކަތް ހެލްތު މިނިސްޓްރީ އިން ފަށާފައިވަނީ 2019 ވަނަ އަަހަރުގައެވެ.