މާލެ ސިޓީގެ އެކި ސަރަހައްދުތަކުގައި ގަވާއިދާއި ޚިލާފަށް ބަހައްޓާފައިވާ 1،360 ޕެލެޓް ނަގާފައިވާ ކަމަށް މާލެ ސިޓީ ކައުންސިލުން ބުނެފިއެވެ.
މާލެ ސިޓީ ކައުންސިލުން ދަނީ މާލޭގެ މަގުތަކުގައި ގަވާއިދާއި ޚިލާފަށް ދުއްވާ އެއްޗިއްސަށާއި، ހިނގާބިގާވެ އުޅޭމީހުންނަށް ދަތިވާނެހެން ބަހައްޓާފައިވާ ޕެލެޓްތައް ނެގުމުގެ މަސައްކަތް ކުރަމުންންނެވެ. މިމަސައްކަތް މާލެ ސިޓީ ކައުންސިލުން ކުރިއަށް ގެންދާތާ ވަނީ ދެ ހަފްތާއެއްވެފައެވެ.
މާލެ ސިޓީ ކައުންސިލުން ބުނީ މާލެ ތެރޭގައި ޤަވާއިދާއި ޚިލާފަށް ބަހައްޓާފައި ހުރި ޕެލެޓްތައް ނެގުމުގެ މަސައްކަތުގެ ތެރެއިން ވޭތުވެ ދިޔަ ދެ ހަފްތާގެ ތެރޭގައި 1360 އަށް ވުރެ ގިނަ ޕެލެޓް ނެގިފައިވާކަމަށެވެ.
މޭޔަރު ޑރ. މުހައްމަދު މުއިއްޒު ވިދާޅުވީ އަމާޒަކީ ރަމަޟާން މަސް އައުމުގެ ކުރިން މި މައްސަލަ ހައްލު ކުރުން ކަމަށެވެ.