މާލޭގައި ރޭ މެންދަމު ފުލުހުން ހިންގި ހާއްސަ ޑްރަގް ސާޗު އޮޕަރޭޝަނެއްގައި ގެއެއްގެ ތެރޭގައި ވަޅުލާފައި ހުރި 42 ކިލޯގެ ހެރޮއިން އަތުލައިގެންފި އެވެ.
ޕޮލިސް ކޮމިޝަނަރު މުހައްމަދު ހަމީދު ކުރެއްވި ޓުވީޓެއްގައި ވިދާޅުވީ އިއްޔެއިން ފެށިގެން ފުލުހުންގެ ޑްރަގް އެންފޯސްމަންޓް އެންޑް ކައުންޓާ ނާކޮޓިސް އިންޓެލިޖެންސް އިން މާލޭގައި ސާޗު އޮޕަރޭޝަނެއް ފަށާފައިވާ ކަމަށެވެ.
އެގޮތުން މާފަންނު ގެއެއްގެ ތެރޭގައި ވަޅުލާފައި ހުރި ގިނަ އަދަދެއްގެ މަސްތުވާތަކެތި ފެނިފައިވާ ކަމަށް ވިދާޅުވި އެވެ.
ހަމީދު ވިދާޅުވީ ފުލުހުން ހޯދާފައި ވަނީ މަސްތުވާތަކެތީގެ ބާވަތެއް ކަމަށްވާ ހެރޮއިން ކަމަށެވެ.