މި ހަފްތާ ބަންދުގައި ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމުގައި މޫސުމާއި ބެހޭ ގައުމީ އިދާރާ (މެޓް އޮފީސް) އިން ހާމަކޮށްފި އެވެ.
އެ އިދާރާއިން އާންމު ކޮށްފައިވާ މައުލޫމާތު ތަކުގައި ވާ ގޮތުން މި ހަފްތާގެ ހުކުރު އަދި ހޮނިހިރު ދުވަހު، އުތުރާއި މެދު ރާއްޖެތެރޭ އަށް ގުގުރުމާއި އެކު ވިއްސާރަ ވެހޭނެ ކަމަށް ލަފާކޮށްފައިވެއެވެ. އަދި ދެކުނުގެ ބައެއް އަތޮޅު ތަކަށް ކެރީގެ އަސަރު ފޯރާނެ ކަމަށް ބުނެފައިވެއެވެ.
މެޓް އޮފީހުގެ ފަރާތުން ހއ އަތޮޅުން ފެށިގެން ވ އަތޮޅަށް ހުދުސަމާލު އިއްޔެގެ ހަވީރު 5 އިން 11 އަށް ވަނީ ނެރެފައެވެ. އެވަގުތު ތަކުގައި ގުގުރުމާއެކު ވިއްސާރަ ކުރަމުންދާއިރު ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ލަފާކޮށްފައިވެއެވެ.
އެގޮތުން އިއްޔެ ހަވީރުން ފެށިގެން ރޭ 12 ޖަހަންދެން ވެރިރަށް މާލެއަށް ވެސް ވަނީ ބޯކޮށް ވިއްސާރަ ވެހިފައެވެ.
މި ހަފްތާ ބަންދުގައި ވިއްސާރަކުރި ނަމަވެސް މެޓް އޮފީހުން ހާމަކުރާ ގޮތުގައި އާދިއްތަ ދުވަހުން ފެށިގެން ހޫނުގަދަވާން ފަށާނެއެވެ. އެހެން ދިމާވަނީ މިއީ އިރުވައި މޫސުމުގެ ދުވަސްވަރު ކަަމަށް ވާތީ ކަމަށް އެއިދާރާއިން ހާމަކޮށްފައިވެއެވެ.